فيديو: إيجاد العلاقات باستخدام الأشكال الديكارتية

باستخدام الشكل الديكارتي التالي، أوجد العلاقة س × ص.

٠١:٣٨

‏نسخة الفيديو النصية

باستخدام الشكل الديكارتي التالي أوجد العلاقة لحاصل الضرب الديكارتي للمجموعة س في المجموعة ص.

دلوقتي لو عندنا ع عبارة عن علاقة من المجموعة س إلى المجموعة ص. بنقدر نكتبها بالشكل ده: العلاقة ع عبارة عن مجموعة جزئية من حاصل الضرب الديكارتي للمجموعة س، في المجموعة ص.

أما بيان العلاقة فبيبقى عبارة عن مجموعة أزواج مرتَّبة، كل زوج منها بيبقى المسقط الأول بتاعه بينتمي إلى المجموعة س. والمسقط التاني بينتمي إلى المجموعة ص.

هنرجع للشكل الديكارتي اللي عندنا، ونشوف كل نقطة من النقاط الممثَّلة عليه إيه المسقط الأول بتاعها، وإيه المسقط التاني. فأول نقطة عندنا هيبقى المسقط الأول بتاعها هو خمسة. والمسقط التاني هو ستة. يعني نقدر نكتبها بالشكل ده: الزوج المرتب خمسة وستة. وبالمثل النقطة اللي بعد كده المسقط الأول بتاعها عشرة. والمسقط التاني تسعة. فبنقدر نكتبها على شكل الزوج المرتب عشرة وتسعة. أما آخر نقطة موجودة عندنا فالمسقط الأول ليها خمستاشر. والمسقط التاني ليها اتناشر. فبنقدر نمثّلها بالزوج المرتب خمستاشر واتناشر.

دلوقتي بقى نقدر نكتب بيان العلاقة اللي عندنا. هتبقى ع بتساوي مجموعة الأزواج المرتَّبة الزوج المرتب خمسة وستة، والزوج المرتب عشرة وتسعة، والزوج المرتب خمستاشر واتناشر. وبكده يبقى قدرنا نوجِد العلاقة اللي بتمثّل حاصل الضرب الديكارتي للمجموعة س في المجموعة ص.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.