فيديو: إيجاد مضاعفات الأعداد الصحيحة

أيٌّ من التالي مضاعف العدد ٩؟ [أ] ٤٨ [ب] ٢٤ [ج] ٣٢ [د] ١٨ [ﻫ] ٦٤

٠١:٣٠

‏نسخة الفيديو النصية

أي من التالي مضاعف العدد تسعة؟ الاختيار الأول: تمنية وأربعين. الاختيار التاني: أربعة وعشرين. الاختيار التالت: اتنين وتلاتين. الاختيار الرابع: تمنتاشر. والاختيار الخامس: أربعة وستين.

هنحاول نجيب مجموعة من مضاعفات العدد تسعة. مضاعفات أي عدد بتيجي من إننا بنضرب العدد ده في الأعداد من واحد إلى ما لا نهاية. يعني بيبقى عندنا ما لا نهاية من المضاعفات. هنكتب مجموعة من مضاعفات العدد تسعة.

أول مضاعف هنحصل عليه من حاصل ضرب تسعة في واحد، اللي هو هيبقى تسعة. المضاعف اللي بعده هنحصل عليه من حاصل ضرب تسعة في اتنين، اللي هو هيبقى تمنتاشر. والمضاعف اللي بعده من حاصل ضرب تسعة في تلاتة، اللي هو هيبقى سبعة وعشرين. والمضاعف اللي بعده هنجيبه من حاصل ضرب تسعة في أربعة، اللي هو هيبقى ستة وتلاتين. والمضاعف اللي بعده هيبقى حاصل ضرب تسعة في خمسة، هيبقى خمسة وأربعين. المضاعف اللي بعد كده هيبقى حاصل ضرب تسعة في ستة، اللي هو هيبقى أربعة وخمسين. والمضاعف اللي بعده هيبقى حاصل ضرب تسعة في سبعة، اللي هو هيبقى تلاتة وستين. وهكذا.

لو قارنّا مجموعة المضاعفات اللي أوجدناها للعدد تسعة، بمجموعة الاختيارات الموجودة عندنا في السؤال. هنلاقي إن المضاعف الوحيد اللي موجود بين مجموعة الاختيارات، هو العدد تمنتاشر. يبقى الإجابة الصحيحة هي تمنتاشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.