نسخة الفيديو النصية
رسم نبيل مثلثًا متساوي الأضلاع، مجموع طولَي ضلعين من أضلاعه ستاشر بوصة. أوجد طول الضلع الثالث.
يعني معطى عندنا إن نبيل رسم مثلث متساوي الأضلاع. وخلّينا نفتكر إن المثلث متساوي الأضلاع، هو المثلث اللي بتبقى جميع أضلاعه متساوية؛ يعني ليها الطول نفسه. فبما إن معطى عندنا في السؤال إن مجموع طولَي ضلعين من أضلاعه ستاشر بوصة … يعني مثلًا نقدر نقول إن طول الضلع ده، زائد طول الضلع ده، بيساوي ستاشر بوصة.
فبالتالي علشان نوجد طول الضلع التالت، أو في نفس الوقت طول أيّ ضلع من أضلاع المثلث التلاتة. يبقى هنقسم مجموع طول الضلعين اللي هو ستاشر، على اتنين؛ علشان نوجد طول الضلع الواحد منهم. فلمّا نقسم ستاشر على اتنين، هتبقى بتساوي تمنية.
فمعنى كده إن طول الضلع ده هو تمنية بوصة، وطول الضلع ده برضو تمنية بوصة. وبالتالي بما إن المثلث متساوي الأضلاع، إذن هيبقى طول الضلع التالت ده هو برضو تمنية بوصة. فبالتالي هيبقى طول الضلع التالت هو تمن بوصات. وهتبقى هي دي إجابة السؤال.
