تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تحديد صيغة الميل والجزء المقطوع لمعادلة التمثيل البياني للخط المستقيم

سوزان فائق

اكتب المعادلة المُمثَّلة بالتمثيل البياني الموضَّح. اكتب إجابتك في صورة ﺹ = ﻡﺱ + ﺏ.

٠١:٤٦

‏نسخة الفيديو النصية

اكتب المعادلة الممثّلة بالتمثيل البياني الموضّح، واكتب إجابتك في صورة ص يساوي م س زائد الـ ب.

التمثيل البياني اللي قدامنا ده بيوضح معادلة خط مستقيم، والصورة العامة لمعادلة الخط المستقيم بمعلومية الميل والجزء المقطوع من محور الصادات؛ هي ص يساوي م س زائد الـ ب، حيث الـ م هو ميل المستقيم، والـ ب الجزء المقطوع من محور الصادات.

من الرسم؛ الجزء المقطوع من محور الصادات هو الاتنين، يبقى الـ ب هتساوي اتنين. والميل بيساوي ص اتنين ناقص ص واحد على س اتنين ناقص س واحد، حيث الـ س واحد والـ ص واحد، والـ س اتنين والـ ص اتنين، ده نقطتين على الخط المستقيم.

فيه نقطة اللي هي عرفنا بيها الجزء المقطوع من محور الصادات، اللي هي إحداثياتها هتبقى صفر واتنين. النقطة التانية اللي هنوجدها هي النقطة دي؛ إحداثيات السينات بتلاتة، والصادات بسالب اتنين؛ يبقى النقطة إحداثياتها تلاتة وسالب اتنين. يبقى س واحد وَ ص واحد هتبقى صفر واتنين، وَ س اتنين وَ ص اتنين هتبقى تلاتة وسالب اتنين.

بالتعويض لإيجاد الميل، هيبقى ص اتنين ناقص ص واحد، ص اتنين قيمتها سالب اتنين، ناقص ص واحد يبقى ناقص اتنين؛ على … س اتنين ناقص س واحد، يبقى تلاتة ناقص الصفر. هيبقى الميل قيمته سالب أربعة على تلاتة، يبقى المعادلة هتبقى ص تساوي سالب أربعة على تلاتة س زائد اتنين، وهي دي المعادلة الممثّلة بالتمثيل البياني الموضّح، والإجابة في صورة ص يساوي م س زائد الـ ب.