فيديو: حل معادلات خطية ذات مجهول

أوجد قيمة ن، إذا كان ٥ + ن = −٥.

٠١:٠٢

‏نسخة الفيديو النصية

أوجد قيمة ن، إذا كان خمسة زائد ن يساوي سالب خمسة.

يعني معطى عندنا المعادلة دي، والمطلوب في السؤال إننا نوجد قيمة ن. فمعنى كده إننا عايزين نحلّ المعادلة؛ علشان نوجد قيمة ن. فهنلاحظ إن المعادلة عندنا هي خمسة زائد ن يساوي سالب خمسة. فعشان نوجد قيمة ن يبقى هنظرح خمسة من طرفَي المعادلة، فيبقى الطرف الأيمن للمعادلة هو خمسة زائد ن ناقص خمسة. وأمّا الطرف الأيسر فيبقى سالب خمسة ناقص خمسة.

فلمّا نيجي نحسب الطرف الأيمن للمعادلة، هيبقى عندنا خمسة زائد ن ناقص خمسة؛ فخمسة ناقص خمسة بصفر، فيتبقّى ن. وأمّا الطرف الأيسر للمعادلة، فيبقى سالب خمسة ناقص خمسة. فلمّا نحسبها هتبقى بتساوي سالب عشرة؛ لأن العددين اللي عندنا إشارتهم سالبة؛ فبالتالي بنجمعهم، يعني خمسة زائد خمسة، وبعد كده بنحطّ الإشارة السالبة. فبالتالي هتبقى ن تساوي سالب عشرة. وهي دي قيمة ن المطلوب إيجادها.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.