فيديو: إيجاد النسبة بين طول ضلع مربع ومحيطه

اكتب هذه النسبة في أبسط صورة: نسبة طول ضلع مربع إلى محيطه.

٠١:٥٣

‏نسخة الفيديو النصية

اكتب هذه النسبة في أبسط صورة: نسبة طول ضلع مربع إلى محيطه.

فخلّينا في الأول نفرض إن عندنا مربع بالشكل ده. فلو فرضنا إن طول ضلع المربع هو ل. وبما إن المربع بتبقى جميع أضلاعه متساوية في الطول، فبالتالي هنرمز لكل ضلع من الأربعة بالرمز ل.

بعد كده المطلوب مننا في السؤال إننا نوجد نسبة طول ضلع مربع إلى محيطه. وخلّينا نفتكر إن المحيط هي المسافة حول الشكل. فمعنى كده إن محيط المربع هي المسافة حول الشكل، يعني مجموع جميع الأضلاع. فبالتالي هيبقى محيط المربع بيساوي مجموع أطوال أضلاعه. وبما إن كل ضلع طوله ل، فبالتالي هيبقى محيط المربع بيساوي ل، زائد ل، زائد ل، زائد ل. ولمّا نجمعهم هيبقى المجموع هو أربعة ل. وبالتالي هيبقى محيط المربع بيساوي أربعة ل، بحيث إن ل هو طول ضلع المربع.

فبالتالي علشان نوجد النسبة بين طول ضلع المربع ومحيط المربع، فبما إننا فرضنا إن طول ضلع المربع هو ل، فهنكتب تحت طول ضلع المربع ل. وأمَّا محيط المربع، فعرفنا إن هو بيساوي أربعة ل، فهنكتب أربعة ل تحت محيط المربع.

بعد كده علشان نكتب النسبة في أبسط صورة، يبقى هنقسم الطرفين على ل. فبالتالي هنفضل محافظين على نفس النسبة. فيبقى عندنا، نقدر نختصر هنا ل مع ل، فيبقى بيساوي واحد. وأمَّا نسبة محيط المربع، فنقدر نختصر برضو ل مع ل، فيتبقَّى أربعة. فبالتالي هيبقى نسبة طول مربع إلى محيطه هي واحد إلى أربعة. وهتبقى هي دي إجابة السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.