فيديو: قراءة البيانات من الجدول التكراري ذي المجموعات

يوضح الجدول متوسط درجات الحرارة المسجّلة في ٤٥ مدينة في يوم واحد. كم مدينة كانت درجات الحرارة بها أقل من ٢٢°؟

٠١:٢٩

‏نسخة الفيديو النصية

يوضح الجدول متوسط درجات الحرارة المسجّلة في خمسة وأربعين مدينة في يوم واحد. كم مدينة كانت درجات الحرارة بها أقل من اتنين وعشرين؟

الجدول اللي عندنا بيبيّن درجات الحرارة متقسّمة إلى فترات، يعني درجة الحرارة من عشرين لواحد وعشرين. عدد المُدن اللي اتسجلت فيها درجات الحرارة من عشرين لواحد وعشرين هم أربعتاشر مدينة. الفترة التانية هي من اتنين وعشرين لتلاتة وعشرين. عندنا سبع مدن اتسجّلت فيها درجات حرارة ما بين اتنين وعشرين وتلاتة وعشرين. عندنا درجات الحرارة من أربعة وعشرين لخمسة وعشرين، درجات الحرارة دي اتسجلت في عشر مدن. وهكذا عندنا فترات من درجات الحرارة وعدد المدن المناظر. وإجمالي عدد المدن متسجل عندنا خمسة وأربعين مدينة.

دلوقتي مطلوب مننا عدد المدن اللي اتسجّلت فيهم درجات حرارة أقل من اتنين وعشرين. الفترة التانية اللي عندنا من اتنين وعشرين لتلاتة وعشرين. طب إحنا مش عايزين من اتنين وعشرين، عايزين أقل من اتنين وعشرين؛ يبقى دي معناها إن إحنا هنبقى بنتكلم في الفترة اللي من عشرين لواحد وعشرين. يبقى عدد المدن اللي اتسجّل في الفترة دي هو أربعتاشر مدينة. يبقى دلوقتي عدد المدن اللي كانت درجات الحرارة فيها أقل من اتنين وعشرين درجة، هي أربعتاشر مدينة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.