فيديو: تحديد الأشكال

يصنع ماجد ووالده طاولة لغرفة المعيشة. عند انتهائهما، كانت الطاولة ذات ٦ أوجه و١٢ حرفًا و٨ رءوس. أيٌّ من الأشكال الثلاثية الأبعاد التالية صنعاه؟ [أ] كرة. [ب] منشور ثلاثي. [ج] أسطوانة. [د] هرم مثلث القاعدة. [ﻫ] متوازي مستطيلات.

٠١:٤٧

‏نسخة الفيديو النصية

يصنع ماجد ووالده طاولة لغرفة المعيشة. عند انتهائهما كانت الطاولة ذات ست أوجُه، واتناشر حرفًا، وتمن رؤوس. أيٌّ من الأشكال الثلاثية الأبعاد التالية صنعاه؟ كرة، منشور ثلاثي، أسطوانة، هرم مثلث القاعدة، متوازي مستطيلات.

عاوزين ندوّر على الشكل اللي عبارة عن ست أوجُه، واتناشر حرف، وتمن رؤوس. ويبقى هو ده شكل الترابيزة، اللي ماجد صنعها مع باباه. نيجي لأول شكل، أو أول اختيار؛ كرة. هنلاحظ إن الكرة مالهاش أوجُه، ولا حروف، ولا رؤوس. فبالتالي أكيد هم ما صنعوش طاولة أو ترابيزة على شكل كرة.

المنشور الثلاثي له خمس أوجُه، مش ستة. وله ست رؤوس، مش تمنية. فبرضو ما يبقاش هو الشكل اللي هم صنعوه. لأنه مش بيشبههم في عدد الأوجُه، ولا الحروف، ولا الرؤوس. أمّا الأسطوانة، مالهاش رؤوس، وليها قاعدتين على شكل دائرة. فبرضو مش هتكون هي الأسطوانة.

هرم مثلث القاعدة. الهرم المثلث القاعدة له أربع أوجُه، مش ستة. وأربع رؤوس مش تمنية. يبقى مش هو الشكل اللي ماجد وباباه عملوه. نيجي لآخر شكل، وهو متوازي المستطيلات. متوازي المستطيلات له ست أوجُه. وكمان له اتناشر حرف وتمن رؤوس. يبقى هو ده الشكل اللي ماجد وباباه صنعوا الترابيزة على أساسه؛ متوازي مستطيلات. وهي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.