فيديو: تطبيقات على مبدأ العَدِّ (قاعدة حاصل الضرب)

باستخدام مبدأ العد الأساسي، أوجد عدد النواتج الممكنة لدوران القرصين الدوّارين الآتيين.

٠٣:٤٣

‏نسخة الفيديو النصية

باستخدام مبدأ العد الأساسي، أوجد عدد النواتج الممكنة لدوران القرصين الدوّارين الآتيين. عندنا قرص دوّار رقم واحد متقسّم لتلات ألوان؛ أحمر، وأخضر، وأصفر. وقرص دوّار رقم اتنين متقسّم لسبع أجزاء؛ واحد، اتنين، تلاتة، أربعة، خمسة، ستة، سبعة. كل جزء واخد حرف.

عاوزين نعرف عدد النواتج الممكنة؛ علشان ندور بيهم القرصين الاتنين دول. يعني عاوزين نعرف نواتج إن المؤشر ده والمؤشر ده يكونوا واقفين فيه في مكانين معيّنين في القرصين دول. فهندرس احتمالات قرص قرص.

القرص رقم واحد فيه تلاتة أجزاء زي ما قلنا؛ جزء أصفر، وجزء أخضر، وجزء أحمر؛ يبقى المؤشر في القرص الأولاني مش هيقف غير في التلات أماكن دول؛ أصفر، أو أخضر، أو أحمر.

طيب لو رُحنا للمؤشر في القرص التاني؟ في القرص التاني هنلاقي إن المؤشر ممكن يقف في سبع أماكن؛ إما عند الـ أ، أو الـ د، أو الـ ب، أو الـ و، أو الـ ح، أو الـ ز، أو الـ هـ.

لو جينا بقى ندمج كل النواتج الموجودة بين القرص الأول والقرص التاني، هنلاقي إن لو في الحالة الأولى وفي القرص الأول المؤشر كان واقف على اللون الأصفر، يبقى ممكن في الحالة التانية المؤشر يكون واقف على أي نتيجة، أو على أي جزء من أجزاء القرص التاني.

يعني لو جينا نقول إن المؤشر واقف في القرص الأول على اللون الأصفر. ممكن يكون واقف في القرص التاني على الحرف أ. أو على الحرف د. أو ب. أوْ و. أو ح. أو ز. أو هـ. يبقى الجزء الأصفر احتمال القرص الأول، والجزء الحروف هو احتمال القرص التاني. يبقى النواتج اللي طلعت من اللون الأصفر سبع نواتج أو سبع حروف.

زيهم هيطلع برضو من الجزء الأخضر. السبع أجزاء أو السبع حروف. وزيهم من الجزء الأحمر السبع أجزاء أو السبع حروف.

فمن هنا هنقول إن عدد الاحتمالات في أول حالة كانوا سبع احتمالات. إما أن هو يكون أصفر وَ أ، أو أصفر وَ د، أو أصفر وَ ب، أو أصفر وَ و، أو أصفر وَ ح، أو أصفر وَ ز، أو أصفر وَ هـ. وبالمثل في اللون الأخضر، كان سبع نواتج. وزيهم في اللون الأحمر، سبع نواتج.

يبقى عدد النواتج الممكنة كلها سبع زائد سبع زائد سبع. أو سبعة في تلاتة، اللي هي بتساوي واحد وعشرين. يبقى عدد النواتج الممكنة كلها في وقوف المؤشر في القرصين الدوّارين دول، هو واحد وعشرين نتيجة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.