فيديو: طرح الأعداد الصحيحة في المسائل الكلامية التي تتضمَّن درجات الحرارة

بلغت درجة الحرارة في أحد الأيام قبل شروق الشمس ١٧°س. وزادت بمقدار ٣°س بعد شروق الشمس. إذا كانت درجة الحرارة العظمى في ذلك اليوم ٢٥°س، فما مقدار الزيادة في درجة الحرارة بعد شروق الشمس؟

٠٢:٢٣

‏نسخة الفيديو النصية

بلغت درجة الحرارة في أحد الأيام قبل شروق الشمس سبعتاشر درجة مئوية. وزادت بمقدار تلاتة درجة مئوية، بعد شروق الشمس. إذا كانت درجة الحرارة العظمى في ذلك اليوم خمسة وعشرين درجة مئوية، فما مقدار الزيادة في درجة الحرارة بعد شروق الشمس؟

في السؤال ده عاوزين نعرف مقدار الزيادة، يعني درجة الحرارة زادت قّد إيه بعد شروق الشمس. طيب هي درجة الحرارة قبل شروق الشمس كانت كام؟ قبل شروق الشمس كانت سبعتاشر درجة مئوية. وبعد شروق الشمس زادت تلات درجات مئوية. يعني إيه زادت تلات درجات مئوية؟ يعني السبعتاشر درجة مئوية، زوّدنا عليهم تلات درجات مئوية، فبقت إيه؟ سبعتاشر زائد تلاتة، بنعدّ بعد السبعتاشر، تلاتة. فنقول: تمنتاشر، تسعتاشر، عشرين. فبقت عشرين درجة مئوية. يبقى إحنا عندنا السبعتاشر درجة مئوية، زوّدناها بمقدار تلاتة درجة مئوية، فأصبحت درجة الحرارة بعد شروق الشمس، عشرين درجة مئوية.

طيب تكملة السؤال بقى بتقول لنا إيه؟ بتقول لنا: إذا كانت درجة الحرارة العظمى في اليوم ده، هي خمسة وعشرين درجة مئوية. فعاوزين نعرف مقدار الزيادة اللي حصل بعد شروق الشمس. يبقى هو قال لنا إن درجة الحرارة العظمى خمسة وعشرين درجة مئوية. ودرجة الحرارة اللي إحنا وصلنا لها بعد شروق الشمس إيه؟ عشرين درجة مئوية. فعاوزين نعرف بقى مقدار الزيادة اللي حصل هنا، واللي خلّى العشرين درجة مئوية، تبقى خمسة وعشرين درجة مئوية. فهنعمل إيه؟

هنطرح درجة الحرارة العظمى، ناقص درجة الحرارة بعد شروق الشمس. يعني هنقول: خمسة وعشرين درجة مئوية ناقص عشرين درجة مئوية. خمسة وعشرين ناقص عشرين بتساوي خمس درجات مئوية. يبقى الخمس درجات مئوية دي، هي مقدار الزيادة اللي حصلت، واللي خلّت العشرين تبقى خمسة وعشرين. وتبقى هي دي الإجابة الصح، خمسة درجة مئوية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.