تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تعريف التناسب

أحمد لطفي

حدِّد هل العبارة الآتية صحيحة أو خاطئة: التناسب معادلة تكون فيها نسبتان أو أكثر متساويتين.

٠٢:٤٥

‏نسخة الفيديو النصية

حدد هل العبارة الآتية صحيحة أو خاطئة: التناسب معادلة تكون فيها نسبتان أو أكثر متساويتين.

في البداية عشان نقدر نحدد معنى التناسب، هنفترض إن عندنا أربع أشخاص؛ علي وأمير وسارة وداليا. هنفترض إن علي، إن علي بيجري اتنين كيلومتر في خلال تلاتين دقيقة، وإن أمير هيجري تلاتة كيلومتر في خمسة وأربعين دقيقة، وإن سارة هتجري خمسة كيلومتر في خمسة وسبعين دقيقة، وإن داليا هتجري عشرة كيلومتر في مية وخمسين دقيقة. وبالتالي ممكن نعبر عن علي وأمير وسارة وداليا بالصورة دي؛ عندنا علي هيجري اتنين كيلومتر في تلاتين دقيقة، وأمير هيجري تلاتة كيلومتر في خمسة وأربعين دقيقة، وسارة هتجري خمسة كيلومتر في خمسة وسبعين دقيقة، وداليا هتجري عشرة كيلومتر في مية وخمسين دقيقة. يبقى كده قدرنا نكتبهم على صورة نسب، عايزين نشوف هل النسب دي هتكون متساوية ولا لأ.

أول حاجة عندنا اتنين على تلاتين، نقدر نختصر بسط ومقام على اتنين، فاتنين على اتنين هيساوي واحد، وتلاتين على اتنين هيساوي خمستاشر؛ وبالتالي اتنين على تلاتين هتساوي واحد على خمستاشر.

وفي تاني نسبة تلاتة على خمسة وأربعين، نقدر نختصر البسط والمقام، هنختصر تلاتة على تلاتة هيساوي واحد، وخمسة وأربعين على تلاتة هتساوي خمستاشر؛ وبالتالي تلاتة على خمسة وأربعين هتساوي واحد على خمستاشر.

وفي تالت نسبة نقدر نختصر، هنقسم البسط على خمسة، فخمسة على خمسة هيساوي واحد، وخمسة وسبعين على خمسة هيساوي خمستاشر، وبالتالي خمسة على خمسة وسبعين هيساوي واحد على خمستاشر.

وآخر نسبة هنقدر نختصر، هنختصر البسط على العشرة، فعشرة على عشرة هيساوي واحد، ومية وخمسين على عشرة هيساوي خمستاشر؛ وبالتالي عشرة على مية وخمسين هيساوي واحد على خمستاشر.

يبقى هنلاحظ إن اتنين على تلاتين هيساوي تلاتة على خمسة وأربعين، هيساوي خمسة على خمسة وسبعين، هيساوي عشرة على مية وخمسين؛ الكل هيساوي واحد على خمستاشر. وبالتالي نقدر نستنتج إن هيكون عندنا تناسب، يبقى هنجد إن التناسب فعلًا هيكون معادلة فيها نسبتين أو أكتر متساويتين، ويبقى العبارة هتكون صحيحة.