تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: حل معادلات خطية ذات أعداد حقيقية

أحمد مدحت

أوجد قيمة ﺱ التي تجعل ٥ﺱ + ٤ = −٥.

٠١:٣٠

‏نسخة الفيديو النصية

عندنا في المثال عايزين نوجد قيمة س التي تجعل خمسة س زائد أربعة يساوي سالب خمسة.

أول حاجة هنكتب المعادلة اللي عندنا مرة كمان. المعادلة هي: خمسة س زائد أربعة يساوي سالب خمسة. وعلشان نوجد قيمة س، هنحتاج نخلّي س في طرف لوحدها من الطرفين بتوع المعادلة. فبالتالي هنحتاج نتخلّص الأول من موجب أربعة، بعد كده نتخلّص من الخمسة اللي مضروبة في س.

فهنبدأ نتخلّص من موجب أربعة، ده هيكون من خلال إن إحنا هنطرح من طرفَي المعادلة أربعة. فلمّا هنطرح من طرفَي المعادلة أربعة، هيبقى عندنا خمسة س زائد أربعة ناقص أربعة يساوي سالب خمسة ناقص أربعة. وبما إن أربعة ناقص أربعة يساوي صفر، بكده هيبقى قدرنا نتخلص من موجب أربعة. يعني الطرف الأيمن هيبقى خمسة س. وبالنسبة للطرف الأيسر، فهو سالب خمسة ناقص أربعة، يعني هيساوي سالب تسعة. معنى كده إن خمسة س تساوي سالب تسعة.

بعد كده هنتخلص من الخمسة اللي مضروبة في س، وده من خلال إن إحنا هنقسم طرفَي المعادلة على خمسة. فلمّا هنقسم طرفَي المعادلة على خمسة، هيبقى عندنا خمسة س على خمسة يساوي سالب تسعة على خمسة. وبما إن خمسة س على خمسة يساوي س، بكده هيبقى قدرنا نتخلّص من الخمسة إلى مضروبة في س. فهيبقى الطرف الأيمن هو س، أمّا الطرف الأيسر فهو سالب تسعة على خمسة. يعني س تساوي سالب تسعة على خمسة، وبكده يبقى إحنا أوجدنا قيمة س.