فيديو: إيجاد مقياس عدد تخيلي

أحمد لطفي

ما مقياس العدد المركب ٢ﺕ؟

٠١:٣٢

‏نسخة الفيديو النصية

ما مقياس العدد المركب اتنين ت؟

في البداية لو عندنا عدد مركب ع بيساوي س زائد ص ت، وده بيكون على الصورة الجبرية، وممكن نكتبه على صورة تانية؛ إن ع بيساوي ل في جتا 𝜃 زائد ت جا 𝜃، ودي بتكون على الصورة المثلثية أو القطبية؛ حيث ل هو مقياس العدد المركب، وَ ل بيساوي الجذر التربيعي لـ س تربيع زائد ص تربيع. وبالتالي لو عايزين نوجد مقياس العدد المركب اتنين ت، فهنقول إنه بيساوي الجذر التربيعي لـ س تربيع، وَ س بتمثل الجزء الحقيقي.

وبما إن في العدد المركب اتنين ت الجزء الحقيقي بيساوي صفر، يعني هيكون عندنا صفر تربيع زائد ص تربيع، ص بتمثل الجزء التخيلي، يعني هو العدد اللي بيكون جنب ت. وبما إن عندنا في العدد المركب اتنين ت الجزء التخيلي هو اتنين، فهيكون عندنا اتنين تربيع؛ يعني مقياس العدد المركب اتنين ت هيساوي الجذر التربيعي لاتنين تربيع؛ يعني هيساوي اتنين.

ويبقى كده قدرنا نوجد مقياس العدد المركب اتنين ت، وكان بيساوي اتنين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.