فيديو السؤال: التحليل إلى عوامل أوَّليَّة الرياضيات

هل ٢، ٣ عوامل أوليَّة للعدد ١٨ بدون تكرار؟

٠٠:٥٨

‏نسخة الفيديو النصية

هل اتنين وتلاتة عوامل أوّلية للعدد تمنتاشر بدون تكرار؟

عايزين نحلّل العدد تمنتاشر لعوامله الأوّلية، ونشوف بعد كده العدد اتنين وتلاتة من عوامله الأوّلية ولّا لأ.

هنبتدي نشوف العدد تمنتاشر ده، عدد زوجي، يبقى يقبل القسمة على اتنين، يبقى هنبتدي نقسمه على اتنين. تمنتاشر عَ الاتنين، هيبقى ناتج القسمة تسعة. تسعة عدد فردي، هيقبل القسمة على تلاتة، يبقى هنقسم على تلاتة. تسعة على تلاتة تساوي تلاتة. وبعدين تلاتة عدد أوّلي ما يقبلش القسمة غير على نفسه وعَ الواحد، يبقى هنقسم تلاتة على تلاتة، يبقى ناتج القسمة واحد.

كده أنهينا تحليل العدد تمنتاشر لعوامله الأوّلية. يبقى فعلًا العوامل الأوّلية للعدد تمنتاشر بدون تكرار؛ يعني لو شِلنا العامل المتكرر هتبقى اتنين وتلاتة. فتبقى كده الإجابة: نعم.

Nagwa uses cookies to ensure you get the best experience on our website. Learn more about our Privacy Policy.