فيديو: تطبيق نظرية فيثاغورس لحَلُّ المسائل المعقدة

أوجد مساحة المربع ﺏﻫدﺟ.

٠٢:٣٠

‏نسخة الفيديو النصية

أوجد مساحة المربع ب ﻫ د ج.

عشان نوجد مساحة المربع، محتاجين نعرف طول أيّ ضلع من أضلاعه. وده بإننا هنوجد طول الضلع ب ج في المثلث القائم أ ب ج.

حسب نظرية فيثاغورس، مربع الوتر بيساوي مجموع مربعَي الضلعين الآخرين. يبقى في المثلث أ ب ج ممكن نقول: إن الوتر، اللي هو أ ج، مربعه، اللي هو أ ج تربيع، هيساوي أ ب تربيع زائد ب ج تربيع. أ ج بيساوي خمسة وتلاتين سنتيمتر. وَ أ ب بيساوي واحد وعشرين سنتيمتر. يبقى ممكن نقول: إن خمسة وتلاتين تربيع بيساوي واحد وعشرين تربيع زائد ب ج تربيع.

وبطرح واحد وعشرين تربيع من الطرفين، هيبقى خمسة وتلاتين تربيع ناقص واحد وعشرين تربيع بيساوي ب ج تربيع. يبقى ب ج تربيع هيساوي … خمسة وتلاتين تربيع بيساوي ألف وميتين وخمسة وعشرين، ناقص … واحد وعشرين تربيع هيساوي ربعمية وواحد وأربعين. وألف وميتين وخمسة وعشرين ناقص ربعمية وواحد وأربعين هيساوي سبعمية وأربعة وتمانين. وبأخذ الجذر التربيعي للطرفين، هيبقى ب ج بيساوي الجذر التربيعي لسبعمية وأربعة وتمانين. يعني يساوي تمنية وعشرين سنتيمتر.

وبما إن مساحة المربع بتساوي طول الضلع في نفسه، تبقى مساحة المربع ب ﻫ د ج بتساوي … طول الضلع يعني طول أيّ ضلع من أضلاع المربع. وفي الحالة دي هناخد طول الضلع ب ج، اللي بيساوي تمنية وعشرين. يبقى تمنية وعشرين في نفسه، يعني في تمنية وعشرين. وتمنية وعشرين في تمنية وعشرين بيساوي سبعمية وأربعة وتمانين.

وبالتالي تبقى مساحة المربع ب ﻫ د ج بتساوي سبعمية وأربعة وتمانين سنتيمتر مربع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.