فيديو: استخدام الصور لتحديد إذا ما كان تعبيرا الجمع متساويين أو لا

هل علامة التساوي مستخدَمة بصورة صحيحة؟ تأكَّد أن المجموعين متساويان.

٠٢:٠٠

‏نسخة الفيديو النصية

هل علامة التساوي مستخدَمة بصورة صحيحة؟ تأكد أن المجموعين متساويان.

عاوزين نعرف هل الجزء ده فعلًا بيساوي الجزء ده ولا لأ. لو كانوا بيساووا بعض يبقى علامة التساوي مستخدَمة بصورة صحيحة. ولو ما كانوش بيساووا بعض يبقى هي مستخدمة بصورة خطأ.

طيب هنعرف نحدد ده إزاي؟ هنبدأ نشوف الطرف اليمين فيه إيه، والطرف الشمال فيه إيه، ونشوفهم بيساووا بعض ولا لأ. الطرف اليمين عندنا فيه تلاتة زائد ستة زائد خمسة. والطرف الشمال فيه تلاتة زائد حداشر. لاقينا تلاتة في الطرف اليمين وتلاتة في الطرف الشمال زي بعض. طيب والباقي إيه؟ الباقي هنا ستة زائد خمسة. والباقي هنا حداشر. لو عرفنا إن ستة زائد خمسة بتساوي الحداشر يبقى الطرفين قَدّ بعض؛ لأن التلاتة بتساوي التلاتة.

طيب هو ستة زائد خمسة بتساوي إيه؟ هنعدّ: واحد، اتنين، تلاتة، أربعة، خمسة، ستة. وعليهم الخمسة، فنقول بعد الستة: سبعة، تمنية، تسعة، عشرة، حداشر. آه ستة زائد خمسة بتساوي حداشر. فده معناه إن الطرف اليمين فيه التلاتة دي زائد حداشر. اللي هو بالضبط الطرف الشمال اللي فيه برضو تلاتة زائد حداشر. مش تلاتة زائد حداشر هي هيّاها تلاتة زائد حداشر؟ فده معناه إن الطرف اليمين بيساوي الطرف الشمال؟ وده معناه إن علامة التساوي مستخدَمة بشكل صحيح؟ يبقى كده الإجابة إيه؟ نعم علامة التساوي مستخدَمة بشكل صحيح. نعم.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.