فيديو: السرعة الزاوية للدوران حول المحور

احسب السرعة الزاوية للحركة الدورانية للأرض حول محورها.

٠٠:٥٨

‏نسخة الفيديو النصية

احسب السرعة الزاوية للحركة الدورانية للأرض حول محورها.

فعلشان نحسب السرعة الزاوية للأرض، هنلاقي إن الأرض بتعمل لفة كاملة حوالين المحور بتاعها في أربعة وعشرين ساعة. ومعنى إن الأرض لفِّت حوالين نفسها إنها قطعت زاوية بتساوي اتنين 𝜋. وناخد بالنا إن إحنا كده عبّرنا عن الزاوية بالراديان.

فبما إن السرعة الزاوية هي الزاوية اللي لفّها الجسم مقسومة على الزمن اللي خده عشان يلفّ الزاوية دي. فنقدر نقول إن السرعة الزاوية للأرض هي اتنين 𝜋 راديان مقسومة على أربعة وعشرين ساعة.

ونقدر نحوّل الساعة دي لستين دقيقة، والدقيقة الواحدة فيها ستين ثانية. فده معناه إن الزمن بالثانية بيساوي أربعة وعشرين في ستين في ستين. فده هيطلّع لنا إن السرعة الزاوية بتساوي سبعة وتلاتة من العشرة في عشرة أُس سالب خمسة راديان عَ الثانية. وبكده نبقى عرفنا نطلّع السرعة الزاوية للأرض اللي بتلفّ بيها حوالين محورها.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.