تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد معادلة الخط المستقيم الموازي لخط لمستقيم ما

معاذ صالح

ﻝ خط مستقيم معادلته ص = −٢ﺱ − ٣. أوجد معادلة المستقيم الموازي للخط المستقيم ﻝ، والمارّ بالنقطة (١، ٣).

٠١:٤٦

‏نسخة الفيديو النصية

ل خط مستقيم معادلته: ص تساوي سالب اتنين س ناقص تلاتة. أوجد معادلة المستقيم الموازي للخط المستقيم ل، والمارّ بالنقطة واحد وتلاتة.

بما إن المستقيم المطلوب معادلتة موازي للمستقيم ل، فده معناه إن ميلهم هيكون متساوي. فبمقارنة معادلة المستقيم ل اللي هي: ص بتساوي سالب اتنين س ناقص تلاتة، بصيغة معادلة الخط المستقيم اللي هي: ص بتساوي م س زائد ب؛ حيث م هو الميل، وَ ب هو الجزء المقطوع من محور الصادات؛ هنلاقي إن ميل المستقيم ل بيساوي سالب اتنين. وبالتالي ميل المستقيم المطلوب برضو هيساوي سالب اتنين.

وبما إن المستقيم بيمُرّ بالنقطة واحد وتلاتة، فهنخلي س واحد بتساوي واحد، وَ ص واحد بتساوي تلاتة. وهنعوّض بيهم وبالميل في الصيغة: ص ناقص ص واحد بتساوي م في، س ناقص س واحد. فالمعادلة هتبقى: ص ناقص … ص واحد بتساوي تلاتة، بتساوي م اللي هي بتساوي سالب اتنين، في س ناقص، س واحد اللي هي بتساوي واحد. يعني ص ناقص تلاتة بتساوي سالب اتنين س زائد اتنين.

فهنضيف تلاتة للطرفين، فمعادلة الخط المستقيم المطلوبة هتبقى: ص بتساوي سالب اتنين س زائد خمسة.