فيديو: إيجاد مساحة شكل عن طريق عدِّ المربعات

أوجد مساحة الشكل. [أ] ١٤ [ب] ١٢ [ج] ١٠ [د] ١١ [ﻫ] ١٣

٠١:٤٢

‏نسخة الفيديو النصية

أوجد مساحة الشكل. الاختيار الأول: أربعتاشر. الاختيار التاني: اتناشر. الاختيار التالت: عشرة. الاختيار الرابع: حداشر. والاختيار الخامس: تلتاشر.

دلوقتي مساحة أي شكل بنقدر نوجدها عن طريق عدد الوحدات المربعة اللي هنحتاجها، عشان نغطي بيها سطح الشكل بالكامل، من غير ما يحصل أي تداخل. هنلاحظ إننا عشان نغطي سطح الشكل اللي عندنا احتجنا لعدد من المربعات الكاملة، وعدد من أنصاف المربعات.

هنبدأ الأول بعدّ المربعات الكاملة اللي استخدمناها: واحد، اتنين، تلاتة، أربعة، خمسة، ستة، سبعة، تمنية، تسعة، عشرة. على سبيل التقدير. وعلى سبيل تسهيل عملية الحساب اللي عندنا، أي جزء احتجنا نستخدمه أقل من مربع كامل، على سبيل التقريب هنستخدمه على إنه نُصّ مربع. فأيّ جزء اتاخد أقل من مربع كامل هنعتبره نُصّ.

هنبدأ نعدّ كده الأنصاف اللي استخدمناها: واحد، اتنين، تلاتة، أربعة. يبقى كده احتاجنا نستخدم أربع أنصاف. وعشان كل نصفين من أنصاف المربعات اللي عندنا بيكوّنوا مع بعض مربع كامل، فالأربع أنصاف دول نقدر نكوّن بيها اتنين من المربعات الكاملة.

وبالتالي فعدد المربعات الكاملة اللي استخدمناها هو عشرة، زائد اتنين. يعني اتناشر مربع. وبما إن مساحة أي شكل هي عدد المربعات اللي استخدمناها عشان نغطي سطحه بالكامل، فبالتالي مساحة الشكل هنا هتبقى اتناشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.