فيديو: استخدام المكعبات التي قاعدة تكوينها ١٠ لتمثيل الأعداد المكوَّنة من رقمين

استخدم المكعبات التي قاعدة تكوينها ١٠ لتكوين عدد. ما عدد الآحاد؟ ما العدد؟

٠١:٢٦

‏نسخة الفيديو النصية

استخدم المكعبات التي قاعدة تكوينها عشرة، لتكوين عدد.

عندنا أكتر من مطلوب في السؤال ده. أول مطلوب هو: ما عدد الآحاد؟ لو بصّينا للشكل اللي عندنا، عدد الآحاد بيبقى عبارة عن عدد المكعبات المفردة اللي موجودة على اليمين دي. هنعدّها مع بعض. واحد، اتنين، تلاتة، أربعة، خمسة، ستة، سبعة، تمنية. يبقى عندنا تمنية في الآحاد. يبقى أول مطلوب إجابته تمنية.

المطلوب التاني عندنا في السؤال: ما العدد؟ يعني المفروض نعرف العدد اللي بيمثّله النموذج اللي قدامنا. إحنا عرفنا الجزء الخاص بالآحاد. عرفنا إن فيه تمنية في الآحاد. النموذج اللي عندنا فيه عمود عبارة عن مجموعة مكعبات، متركّبة فوق بعض، بيتكوّن من … بعد ما نعدّهم، هنلاقيهم عشر مكعبات.

عندنا مجموعة واحدة، أو عمود واحد بيتكوّن من عشرة. عدد المجموعات اللي كل واحد منها بيتكوّن من عشرة، هو ده بيمثّل الرقم اللي هنكتبه في خانة العشرات. وبما إن هنا فيه عمود واحد، فبالتالي عندنا واحد في خانة العشرات. يبقى العدد اللي مثّلناه بالنموذج ده، فيه تمنية في الآحاد، واحد في العشرات. يبقى العدد عبارة عن تمنتاشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.