فيديو: إيجاد التكامل المحدد لدالة تتضمَّن دالة أسية

أوجد ∫(_٠)(^١) (٢ ﻫ^٩ﺱ − ﺱ)‎ ‎دﺱ.

٠٢:٠٤

‏نسخة الفيديو النصية

أوجد التكامل من صفر إلى واحد، لاتنين ﻫ أس تسعة س، ناقص س د س.

هنكامل الحدّ ده، وهنكامل الحدّ ده. الـ ﻫ أس تسعة س دي، دالة أسية. تكاملها الغير محدود بالنسبة للـ س بيساوي الـ ﻫ أس تسعة س، على مشتقة أس الـ ﻫ. اللي هو تسعة س، لمّا هنشتقها هتبقى تسعة. زائد أيّ عدد ثابت، ده لو كان التكامل غير محدود. والـ س تكاملها بالنسبة لـ س بيساوي س تربيع على اتنين. بنزوّد الأس واحد، وبنقسم على الأس الجديد. زائد أيّ عدد ثابت، ده لو كان تكامل غير محدود.

التكامل المعطى ده، تكامل محدود. فبعد ما هنوجد قيمة التكامل، هنعوّض بحدود التكامل من صفر إلى واحد. يبقى اتنين ﻫ أس تسعة س، لمّا هنكاملها، هتبقى اتنين ﻫ أس تسعة س، على التسعة. ناقص … الـ س لمّا هنكاملها، هتبقى س تربيع على الاتنين. وهنعوّض بحدود التكامل من صفر إلى واحد.

هنعوّض مرة بالواحد، ومرة بالصفر، ونطرحهم من بعض. لمّا هنعوّض بالواحد، هيبقى قيمة التكامل اتنين ﻫ أس تسعة، على تسعة؛ ناقص واحد على اتنين. وبعدين هنطرح القيمة لمّا هنعوّض بالصفر. يبقى اتنين ﻫ أس صفر، على تسعة؛ ناقص … الـ س تربيع لمّا هنعوّض بالصفر، هتبقى قيمتها صفر.

الـ ﻫ أس صفر بواحد. يبقى قيمة التكامل هتساوي اتنين على تسعة ﻫ أس تسعة، ناقص نص، ناقص اتنين على تسعة. هتساوي اتنين على تسعة ﻫ أس تسعة. ناقص نص ناقص اتنين على تسعة، هيبقى ناقص تلتاشر على تمنتاشر. وتبقى هي دي قيمة التكامل المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.