تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد قيمة المقادير الجبرية بعد حل معادلات خطية ذات خطوتين

نهال عصمت

أوجد قيمة ٧ﺱ، إذا كان ٥/١ + ﺱ/٧ = ٧٠/١٤.

٠٣:١٤

‏نسخة الفيديو النصية

أوجد قيمة سبعة س. إذا كان واحد على خمسة، زائد س على سبعة، تساوي أربعتاشر على سبعين.

في البداية عشان نقدر نوجد قيمة سبعة س، محتاجين الأول نعرف قيمة س. وَ س نقدر نجيب قيمتها من المعادلة اللي موجودة قدّامنا. هنبدأ نكتب المعادلة، ونبدأ بالخطوات نجيب قيمة س. عندنا المعادلة: واحد على خمسة، زائد س على سبعة، تساوي أربعتاشر على سبعين. أول حاجة عايزين نتخلّص من الكسر اللي هو واحد على خمسة. يبقى أول خطوة هنطرح واحد على خمسة من طرفَي المعادلة؛ عشان نخلّي س على سبعة في طرف لوحدها. هيبقى عندنا واحد … واحد على خمسة، زائد س على سبعة، ناقص واحد على خمسة. هتساوي أربعتاشر على سبعين، ناقص واحد على خمسة. يبقى س على سبعة هتساوي أربعتاشر على سبعين، ناقص واحد على خمسة.

بعد كده عشان نخلّي س في طرف لوحدها، هنلاقي إن س مقسومة على سبعة. معنى كده إن إحنا محتاجين نضرب الطرفين في سبعة؛ عشان نخلّي س في طرف لوحدها. يبقى في الطرف الأول، لمّا نضربه في سبعة، هيبقى عندنا س. هتساوي … الطرف التاني هنضربه في سبعة. هيبقى سبعة في، أربعتاشر على سبعين، ناقص واحد على خمسة. بعد كده هنضرب السبعة في كل حد من حدود القوس. وبالتالي س هتساوي … سبعة في، أربعتاشر على سبعين، هتبقى أربعتاشر على عشرة. ناقص … سبعة في، واحد على خمسة، بسبعة على خمسة.

في الخطوة الجاية عايزين نوحّد المقامات. هنوحّد المقامات على عشرة. يبقى محتاجين نضرب سبعة على خمسة، كلّ من البسط والمقام، هنضربه في اتنين. هيبقى عندنا س هتساوي أربعتاشر على عشرة، ناقص أربعتاشر على عشرة. يبقى كده وحّدنا المقامات على عشرة. يبقى س هتساوي أربعتاشر ناقص أربعتاشر، وفي المقام عشرة. ومنها نقدر نقول إن س هتساوي صفر على عشرة. يبقى س هتساوي صفر. يبقى كده قدِرنا نجيب قيمة س.

محتاجين نحسب في السؤال قيمة سبعة س. يبقى هنشيل كل س، ونعوّض عنها بصفر. يبقى هيساوي سبعة في صفر. وبالتالي سبعة س هتساوي صفر. يبقى قيمة سبعة س، هي: صفر.