فيديو: إيجاد طول ضلع في مستطيل بمعلومية طول ضلع مشابه بحل معادلتين خطيتين

إذا كان ﺏﻫوﺃ ∼ ﻫدﺟﺏ ، فأوجد قيمة ﺱ.

٠٢:٤٩

‏نسخة الفيديو النصية

إذا كان ب ﻫ و أ، يشابه ﻫ د ج ب، فأوجد قيمة س.

الشكل الموضَّح فيه المستطيل ب ﻫ و أ المستطيل الكبير، يشابه المستطيل ﻫ د ج ب. ومطلوب إننا نجيب قيمة س. باستخدام نسب التشابه بين المستطيلين، أقدر أقول إنه الضلع ب أ، على الضلع اللي يشابهه، وهو ﻫ ب. هيساوي الضلع و أ، على الضلع اللي بيشابهه، وهو ج ب.

من الرسمة، هنجيب أطوال الأضلاع اللي موجودة في النسبة. هنعوّض عن ب أ، بتمنية وخمسين. وهنعوّض عن ﻫ ب، اللي هو الضلع ده، بتسعة وعشرين. لأنه مقابل للضلع ج د، يعني هيساوي تسعة وعشرين. هيساوي … هنعوّض عن و أ، برضو بتسعة وعشرين. لأنه الضلع و أ، بيقابل الضلع ﻫ ب، بيقابل الضلع د ج، اللي هو طوله تسعة وعشرين. على ج ب. وَ ج ب تساوي س.

وبما إنه حاصل ضرب الطرفين، يساوي حاصل ضرب الوسطين. يعني أقدر أقول إنه تمنية وخمسين في س، هتساوي تسعة وعشرين في تسعة وعشرين. يعني عشان أجيب قيمة س، هقسم طرفَي المعادلة على تمنية وخمسين، معامل الـ س.

يعني أقدر أقول إن س هتساوي تسعة وعشرين في تسعة وعشرين، على تمنية وخمسين. باستخدام الآلة الحاسبة، س هتساوي تمنمية واحد وأربعين على تمنية وخمسين. وبكده أقدر أقول إن س هتساوي أربعتاشر وخمسة من عشرة. وبكده هنكون جِبنا قيمة س.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.