فيديو: حساب القيمة الأسية

سديم السرطان عبارة عن بقايا سوبرنوفا حدث في عام 1054 ميلاديًّا. إذا كانت أقصى قدرة ناتجة عن السوبرنوفا ‎5 × 10^37W والقدرة الناتجة عن سديم السرطان حاليًّا ‎10^28W، فما مُعامِل النقص في القدرة الناتجة عن هذا الجرم السماوي منذ انفجاره تقريبًا؟

٠١:١٧

‏نسخة الفيديو النصية

سديم السرطان عبارة عن بقايا سوبرنوفا حدث في عام ألف أربعة وخمسين ميلاديًّا. إذا كانت أقصى قدرة ناتجة عن السوبرنوفا خمسة في عشرة أُس سبعة وتلاتين وات. والقدرة الناتجة عن سديم السرطان حاليًّا عشرة أُس تمنية وعشرين وات. فما معامل النقص في القدرة الناتجة عن هذا الجرم السماوي منذ انفجاره تقريبًا؟

فسديم السرطان في الأول كان عبارة عن سوبرنوفا قدرتها بتساوي خمسة في عشرة أُس سبعة وتلاتين وات. أمَّا سديم السرطان دلوقتي، فقدرته بتساوي عشرة أُس تمنية وعشرين وات. والمطلوب منّنا إن إحنا نعرف معامل النقص في القدرة الناتجة من الجرم السماوي ده. وهنرمز لمعامل النقص ده بِـ س. ومعامل النقص ده هو الرقم اللي لو ضربته في القدرة اللي كانت موجودة في الأول هيدّيني القدرة اللي موجودة دلوقتي.

فنقدر نجيب المعامل ده بإننا نقسم طرفين المعادلة على القدرة اللي كانت موجودة في الأول. فهيطلع لنا إن 𝐶 بتساوي 𝑃 اتنين على 𝑃 واحد. ولمَّا نعوّض بقيمهم، هنلاقي إن معامل النقص بيساوي عشرة أُس تمنية وعشرين وات على خمسة في عشرة أُس سبعة وتلاتين وات. نقدر نختصر الوات مع الوات، ونطلّع إن معامل النقص بيساوي اتنين في عشرة أُس سالب عشرة.

وبكده نبقى طلّعنا معامل النقص في القدرة الناتجة من سديم السرطان.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.