فيديو: تحديد الصورة القياسية لمعادلة الخط المستقيم المُمثَّلة بيانيًّا

اكتب المعادلة المُمثَّلة بالتمثيل البياني الموضَّح. اكتب إجابتك في صورة ﺃﺱ + ﺏﺹ = ﺟ.

٠٢:٤٩

‏نسخة الفيديو النصية

اكتب المعادلة الممثّلة بالتمثيل البياني الموضح، واكتب إجاباتك في صورة أ س زائد ب ص يساوي ﺟ.

في التمثيل البياني الموضح فيه خط مستقيم لونه أزرق ده عايزين نوجد له المعادلة، ومعادلة الخط المستقيم في صورتها العامة باستخدام الميل والجزء المقطوع من محور الصادات هي ص يساوي م س زائد الـ ب، من الرسم الـ ب هيبقى قيمتها سالب تسعة اللي هو الجزء المقطوع من محور الصادات؛ يعني دي هتبقى سالب تسعة، والميل بيساوي ص اتنين ناقص ص واحد على س اتنين ناقص س واحد، حيث س واحد وَ ص واحد وَ س اتنين وَ ص اتنين نقطتين على الخط. بمعلومية النقطة اللي إحنا أوجدناها دي عند السالب تسعة ده قيمة الـ ص، والـ س بتساوي صفر؛ يبقى نقطة صفر وسالب تسعة، وهنوجد النقطة التانية، هنختار نقطة تانية على الخط اللي هي النقطة دي فيها السينات بتساوي أربعة والصادات بتساوي سالب ستة؛ يبقى إحداثيتها أربعة وسالب ستة، دول هيمثّلوا الـ س واحد وَ ص واحد و الـ س اتنين وَ ص اتنين؛ يبقى الميل ص اتنين ناقص ص واحد؛ يبقى سالب تسعة ناقص سالب ستة، على … س اتنين صفر، ناقص س واحد اللي هي قيمتها أربعة. يبقى هتساوي … سالب تسعة زائد ستة سالب تلاتة، على سالب أربعة، هيساوي تلاتة على أربعة.

يبقى الصورة العامة للمعادلة على الشكل باستخدام ميل المستقيم والجزء المقطوع من محور الصادات، هيبقى ص يساوي تلاتة على أربعة س ناقص تسعة. علشان نوصل على الصورة المطلوبة اللي هي أ س زائد ب ص يساوي ﺟ، هنضرب المعادلة في أربعة؛ يبقى أربعة ص هتساوي تلاتة س ناقص ستة وتلاتين. بطرح تلاتة س من طرفَي المعادلة، هتبقى المعادلة سالب تلاتة س زائد أربعة ص يساوي سالب ستة وتلاتين. نضرب المعادلة كلها في سالب واحد يبقى تلاتة س ناقص أربعة ص يساوي ستة وتلاتين. ويبقى هي دي المعادلة المطلوبة في الصورة أ س زائد ب ص يساوي ﺟ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.