نسخة الفيديو النصية
أوجد ارتفاع متوازي الأضلاع الذي مساحته تساوي عشرين سنتيمتر مربع، وطول قاعدته أربعة سنتيمتر.
يعني معطى عندنا إن مساحة متوازي الأضلاع بتساوي عشرين سنتيمتر مربع. ومعطى عندنا طول قاعدة متوازي الأضلاع، واللي بتساوي أربعة سنتيمتر. والمطلوب إننا نوجد ارتفاع متوازي الأضلاع. وخلينا في الأول نفتكر إن مساحة متوازي الأضلاع بتساوي حاصل ضرب طول قاعدته في ارتفاعه. فهنلاحظ إن معطى عندنا مساحة متوازي الأضلاع، ومعطى عندنا طول قاعدته. والمطلوب إننا نوجد ارتفاعه.
وبقَسْم طرفَي المعادلة على طول القاعدة، فهتبقى المعادلة عندنا: الارتفاع يساوي مساحة متوازي الأضلاع مقسوم على طول القاعدة. فهنعوّض عن مساحة متوازي الأضلاع بعشرين. وأمّا طول القاعدة، فهنعوّض عنها بأربعة. فبالتالي هيبقى الارتفاع بيساوي عشرين على أربعة. فلمّا نحسبها، هتبقى بتساوي خمسة. وبما إننا بنوجد ارتفاع، فهتبقى الوحدة هي سنتيمتر. وبالتالي هيبقى ارتفاع متوازي الأضلاع بيساوي خمسة سنتيمتر.
