فيديو: إيجاد محيط دائرة بمعلومية قطرها

احسب محيط الدائرة لأقرب رقمين عشريين.

٠١:٣٣

‏نسخة الفيديو النصية

احسب محيط الدائرة لأقرب رقمين عشريين.

من الشكل، طول قطر الدائرة هو ست وحدات، وقانون محيط الدائرة هو اتنين 𝜋 نق؛ حيث نق هو نصف قطر الدائرة. وبما أن قطر الدائرة هو ست وحدات، هيبقى نصف قطرها بيساوي تلات وحدات، فهنعوض في القانون عن نق بتلاتة، يبقى محيط الدائرة هيساوي اتنين في 𝜋 في نق، اللي هي بتساوي تلاتة؛ يعني هتساوي ستة 𝜋. وباستخدام الآلة الحاسبة، ستة 𝜋 هتساوي تقريبًا تمنتاشر وتمنمية وتسعة وأربعين ألف وخمسمية وستة وخمسين جزء من مليون.

وبما إن المطلوب إننا نحسب محيط الدائرة لأقرب رقمين عشريين، يبقى هنقرب العدد ده لأقرب جزء من المائة. فهنشوف الرقم المكتوب في الأجزاء من ألف، فإذا كان الرقم أكبر من أربعة بنضيف واحد للأجزاء من مائة، أما إذا كان الرقم أصغر من خمسة فمش هيحصل تغيُّر في الأجزاء من مائة. وبما إن الرقم هو تسعة فده معناه إنه أكبر من أربعة، يبقى هنضيف واحد للأجزاء من مائة؛ يبقى محيط الدائرة هيساوي تقريبًا تمنتاشر وخمسة وتمانين من مية وحدة، بالتقريب لأقرب رقمين عشريين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.