فيديو: إيجاد قيمة المقادير الجبرية التي تتضمن القيمة المطلقة وترتيب العمليات الحسابية

احسب ٦ + |−٤| ÷ ١^٢.

٠١:٢٩

‏نسخة الفيديو النصية

احسب ستة زائد القيمة المطلقة لسالب أربعة على واحد أس اتنين.

يعني معطى عندنا المقدار ده، وعايزين نوجد قيمته. فأول حاجة هنعملها إننا هنحسب القيمة المطلقة لسالب أربعة. وخلينا نفتكر إن القيمة المطلقة لعدد هي المسافة اللي بيبعدها العدد عن الصفر على خطّ الأعداد؛ يعني معناها قيمة العدد بغضّ النظر عن إشارته. فبالتالي هيبقى القيمة المطلقة لسالب أربعة بتساوي أربعة؛ فيبقى المقدار هو ستة زائد أربعة، على واحد أس اتنين.

فهنلاحظ عندنا في المقدار إن فيه عملية جمع، وعملية قسمة، وعندنا عدد مرفوع لأس. فمن ترتيب العمليات خلينا نفتكر إن أول حاجة هنعملها إننا هنوجد قيمة العدد المرفوع لأس، اللي هو واحد أس اتنين؛ فيبقى المقدار بيساوي ستة زائد أربعة على … وهنحسب قيمة واحد أس اتنين، وواحد أس اتنين معناها واحد في واحد، واللي هتساوي واحد.

بعد كده هيبقى عندنا المقدار فيه عملية الجمع وعملية قسمة. ومن ترتيب العمليات إننا الأول بنعمل عمليات الضرب والقسمة، وبعد كده عمليات الجمع والطرح. فمعنى كده إننا هنحسب الأول قيمة أربعة على واحد، فيبقى المقدار بيساوي ستة زائد … وهنحسب قيمة أربعة على واحد، ولمّا نحسبها هتبقى بتساوي أربعة. فيبقى المقدار عندنا ستة زائد أربعة، فهنحسب ستة زائد أربعة واللي هتساوي عشرة. وبالتالي هتبقى قيمة المقدار هي: عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.