فيديو: إيجاد قياس زاوية في شكل رباعي باستخدام نظرية المفصلات

إذا كان ق∠ﺃﺟﺩ = (٦ﺱ − ١٢)°، فاستخدم نظرية المفصّلات لإيجاد مدى جميع قيم ﺱ الممكِنة في الشكل.

٠٣:٤٩

‏نسخة الفيديو النصية

إذا كان قياس الزاوية أ ج د يساوي ستة س ناقص اتناشر درجة. فاستخدم نظرية المفصّلات لإيجاد مدى جميع قيم س الممكِنة في الشكل.

حسب نظرية المفصّلات أو الضلعين والزاوية المحصورة بينهما. فإذا طابق ضلعين في مثلث ضلعين مناظرين في مثلث آخر، وكان قياس الزاوية المحصورة بينهما في المثلث الأول أكبر من قياس الزاوية المحصورة في المثلث التاني. ففي الحالة دي، الضلع التالت في المثلث الأول هيكون أطول من الضلع التالت في المثلث التاني. وفي الحالة دي، نقدر نستنتج العكس. يعني إذا كان الضلع التالت في المثلث الأول أكبر من الضلع التالت في المثلث التاني. ففي الحالة دي، نقدر نستنتج إن الزاوية المحصورة بين الضلعين المتماثلين في المثلث الأول هتكون برضو أكبر.

فبالنظر للشكل، هنلاقي المثلثين أ ب ج وَ أ ج د فيهم الضلع أ ج هو ضلع مشترك. وطول الضلع أ ب بيساوي طول الضلع ج د. وطول الضلع ب ج بيساوي اتناشر سنتيمتر. وطول الضلع أ د بيساوي سبعة سنتيمتر. يعني طول الضلع ب ج أكبر من طول الضلع أ د. ففي الحالة دي، نقدر نستنتج إن الزاوية ب أ ج هيكون قياسها أكبر من الزاوية أ ج د. من الشكل، قياس الزاوية ب أ ج بيساوي أربعة وخمسين درجة.

ومن المعطيات، قياس الزاوية أ ج د بيساوي ستة س ناقص اتناشر درجة. يعني أربعة وخمسين درجة أكبر من ستة س ناقص اتناشر درجة. أو ممكن نقول: إن أربعة وخمسين أكبر من ستة س ناقص اتناشر. فنضيف اتناشر للطرفين، فهيبقى أربعة وخمسين زائد اتناشر أكبر من ستة س. يعني ستة وستين أكبر من ستة س. وبقسمة الطرفين على ستة، هتبقى ستة وستين على ستة أكبر من ستة س على ستة. وباستخدام التبسيط، هتبقى حداشر أكبر من س.

وبما إن الزاوية أ ج د، من الشكل، هي زاوية حادة، فده معناه إن قياسها ما بين صفر درجة وتسعين درجة. فده معناه إننا ممكن نقول: إن ستة س ناقص اتناشر درجة أكبر من صفر درجة. يعني ستة س ناقص اتناشر أكبر من صفر. وبإضافة اتناشر للطرفين، هتبقى ستة س أكبر من اتناشر. وبقسمة الطرفين على ستة، هتبقى س أكبر من اتنين. يعني حداشر أكبر من س، وَ س أكبر من اتنين. يعني ممكن نستنتج إن اتنين أصغر من س، وَ س أصغر من حداشر. يعني جميع قيم س الممكِنة هتبقى ما بين اتنين وحداشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.