فيديو: تحويل الأعداد الكسرية إلى أعداد عشرية

حوِّل ٢/١ ٧ إلى رقم عشري.

٠٢:٢٦

‏نسخة الفيديو النصية

حوّل العدد الكسري التالي إلى رقم عشري.

أول حاجة بنكتب العدد الكسري مرة أخرى، اللي هو عبارة عن سبعة وواحد على الاتنين. وبنلاقي إن العدد الكسري بيتكوّن من جزئين. أول حاجة الجزء الصحيح، اللي هو عبارة عن سبعة. زائد الجزء الكسري، اللي هو عبارة عن واحد على الاتنين. اهتمامنا هيكون بهذا الجزء الكسري؛ مطلوب نحوّله إلى كسر عشري. وساعتها هنقدر نحوّل العدد الكسري المطلوب تحويله إلى رقم عشري في السؤال.

بنكتب الجزء الكسري كده، اللي هو عبارة عن واحد على الاتنين. عشان نقدر نحوّل هذا الكسر الغير فعلي إلى كسر عشري، لازم يكون مقامه عشرة، أو مية، أو ألف، وهكذا … أو بنقول عشرة ومضاعفاتها. وعشان يكون مقام هذا الكسر الغير فعلي يساوي عشرة، محتاجين نضرب المقام في خمسة. وبالتالي هنضرب البسط أيضًا في خمسة. يبقى الكسر الغير فعلي ده هيتحول يبقى … واحد في خمسة بخمسة، على … اتنين في خمسة بعشرة.

ودلوقتي نقدر نحوّله إلى كسر عشري، فبنكتب كده: صفر وعلامة عشرية. بنلاقي إن أول خانة دي بتكون عبارة عن الأجزاء من عشرة. وتاني خانة طبعًا الأجزاء من مية، وهكذا … وبالتالي يبقى الأجزاء من عشرة هيكون فيها خمسة، والأجزاء من مائة هيكون فيها صفر. وبالتالي يبقى واحد على الاتنين هيساوي صفر وخمسة من عشرة.

وبكده يبقى سبعة وواحد على الاتنين هتساوي سبعة، وهو عبارة عن الجزء الصحيح، زائد … الجزء الكسري هنكتبه في صورة كسر عشري، يبقى صفر وخمسة من عشرة. يبقى الناتج هيكون عبارة عن سبعة وخمسة من عشرة.

وبكده يبقى الناتج النهائي عبارة عن سبعة وخمسة من عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.