فيديو: عد أوجه الأشكال الثلاثية الأبعاد

كم وجهًا في متوازي المستطيلات؟ ملحوظة: يوجد أوجُه لا يمكنك رؤيتها في الصورة.

٠١:٥٢

‏نسخة الفيديو النصية

كم وجهًا في متوازي المستطيلات؟ ملحوظة: يوجد أوجُه لا يمكنك رؤيتها في الصورة.

عاوزين نعرف متوازي المستطيلات ده له كام وجه. وفيه ملحوظة بتقول لنا: ناخد بالنا إن فيه أوجُه ورا مستخبِّية إحنا مش ممكن نشوفها في الصورة دي. طيب علشان نعرف نعدّ عدد أوجُه متوازي المستطيلات، هنجيب أيّ حاجة حوالينا على شكل متوازي المستطيلات ينفع إنها تتفكّ، ونحاول نفكّها.

أنا مثلًا هجيب العلبة دي. دي علبة على شكل متوازي مستطيلات. هنبدأ نفكّها واحدة واحدة بالشكل ده. هنرفع الجزء ده لفوق. بعدين نفرد الجزء ده. والجزء ده. بعدين نتني الجزء ده لبره. بعدين نفرد الجزء ده. وآخر حاجة الجزء ده. وده هيكون شكل متوازي المستطيلات، بعد ما فكِّيناه وفردناه. بعد ما فردناه، الأوجُه بتاعته كلها بانت لنا. فتعالوا نعدَّها. ده كده وجه. وده التاني. وده التالت، رقم تلاتة. وده رقم أربعة. وده رقم خمسة. وده رقم ستة. فده معناه إن متوازي المستطيلات له ست أوجُه.

ولمّا نيجي نجاوب على السؤال بتاعنا «كم وجهًا في متوازي المستطيلات؟»، الإجابة هتكون: ستة. وهي دي الإجابة الصحّ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.