فيديو: تصنيف أزواج الزوايا

صنِّف الزاويتين التاليتين باعتبارهما زاويتين متتامتين، أو متكاملتين، أو عموديتين، أو غير ذلك.

٠١:١٩

‏نسخة الفيديو النصية

صنِّف الزاويتين التاليتين باعتبارهما زاويتين متتامتين، أو متكاملتين، أو عموديتين، أو غير ذلك.

ومُعطى عندنا الشكل اللي قدامنا، وعندنا الزاويتين واحد واتنين، وعايزين نصنّفهم.

فمن الشكل هنلاحظ إن الزاويتين واحد واتنين همّ الاتنين بيشكّلوا زاوية قائمة. يعني زاوية قياسها تسعين درجة. فمعنى كده إن مجموع قياسات الزاويتين واحد واتنين هو تسعين درجة.

وخلينا نفتكر إن الزاويتين اللي مجموع قياسهم هو تسعين درجة، بنسميهم زاويتين متتامتين. وده لأن تعريف الزاويتين المتتامتين: هما الزاويتين اللي مجموع قياسهما تسعين درجة.

فبالتالي لمّا نيجي نصنّف الزاويتين واحد واتنين اللي عندنا في الشكل. فبما إن همّ الاتنين بيكونوا زاوية قايمة؛ يعني زاوية قياسها تسعين درجة. فبالتالي هيبقى مجموع قياسات الزاويتين واحد واتنين هو تسعين درجة. وزي ما عرفنا إن الزاويتين اللي مجموع قياسهم تسعين درجة هما الزاويتين المتتامتين. وبالتالي هتبقى إجابة السؤال هي «زاويتان متتامتان».

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.