فيديو: تحليل المقادير التربيعية عندما يكون المُعامِل الرئيسي ١

حلّل س^٢ + ٨س + ١٢.

٠٢:٤٧

‏نسخة الفيديو النصية

حلّل س تربيع زائد تمنية س زائد اتناشر.

بنلاقي إن العبارة الجبرية التالية بتكون على الصورة العامة للعبارة الجبرية التربيعية س تربيع زائد ب س زائد ج. بالمقارنة بنلاقي إن ب بتساوي تمنية. وَ ج بتساوي اتناشر. وبالتالي يبقى لتحليل هذه العبارة الجبرية، محتاجين نوجد عددين أو بنسميهم عاملين، حاصل ضربهم اتناشر ومجموعهم بيساوي تمنية. ولأن عندنا ج إشارتها موجبة، فبنلاقي إن العاملين دول بيكون ليهم نفس إشارة ب وهي موجبة.

يبقى تاني كده باختصار. إحنا بندور على عاملين حاصل ضربهم اتناشر، ومجموعهم تمنية، وإشارتهم الاتنين موجبة مثل ب.

هنبدأ نبحث عن العاملين دول كالتالي. رسمنا جدول بسيط كده. أول عمود كتبنا فيه عوامل العدد اتناشر. وتاني عمود مجموع العددين. بنلاقي إن أحد عوامل اتناشر عبارة عن واحد واتناشر. عددين حاصل ضربهم اتناشر. وطبعًا لازم يكونوا موجبين زي ب. بنلاقي بعد كده إن مجموع العددين تلتاشر. ولكن إحنا مطلوب نوجد عاملين مجموعهم تمنية. يبقى واحد واتناشر ما ينفعش يكونوا العاملين دول.

بنكمل بعد كده. بنلاقي إن عوامل اتناشر عبارة عن اتنين وستة. بنلاقي إن مجموعهم تمنية. يبقى ينفع يكون اتنين وستة عاملين.

بنشوف بعد كده بنلاقي إن تلاتة وأربعة عاملين أيضًا للعدد اتناشر. بنلاقي إن حاصل ضربهم اتناشر ومجموعهم سبعة. يبقى ما ينفعش يكونوا العاملين. يبقى العاملين عندنا اتنين وستة. فبنكتب كده العاملين اتنين وستة.

وبالتالي يبقى العبارة الجبرية س تربيع زائد تمنية س زائد اتناشر، هيتم تحليلها إلى قوسين. القوس الأول عبارة عن س زائد أول عامل اتنين، في س زائد تاني عامل وهو ستة. وبكده يبقى قدرنا نحلّل العبارة الجبرية تحليلًا كاملًا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.