تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد الحجوم بالوحدات المكعبة

سوزان فائق

يوضح الفيديو مفهوم الحجم، وكيفية إيجاد الحجوم باستخدام الوحدات المكعبة.

٠٣:٥٣

‏نسخة الفيديو النصية

في الفيديو ده هنتكلّم عن إيجاد الحجوم بالوحدات المكعبة. هنعرف يعني إيه الحجم، وإزاي نوجد قيمته باستخدام الوحدات المكعبة.

الحجم هو عدد الوحدات المكعبة التي تملأ حيزًا يشغله مجسّم. يعني عايزين نعرف كام مكعب من ده هنقدر نحطّه جوّه حوض السمك، وبالتالي نعرف حجم حوض السمك.

الصندوق اللي قدّامنا ده عايزين نعرف حجمه. هنملاه مكعبات. ده أول مكعب، وبعدين هنحطّ باقي المكعبات بالشكل ده لغاية ما نوصل لعدد المكعبات اللي موجودة قدّامنا دي، ونعدّهم. حطّينا أول طبقة كانت عبارة عن أربع مكعبات. وبعدين حطّينا طبقة تانية كمان. آدي واحد، اتنين، تلاتة، أربعة؛ كمان أربع مكعبات. يبقى حجم الصندوق اتملا بتمن مكعبات. يبقى هنقول إن حجم الصندوق تمن وحدات مكعبة.

عايزين نوجد حجم المجسّم اللي قدّامنا ده. هنعدّ عدد الوحدات المكعبة اللي قدّامنا في الشكل ده. أول صف اللي باين لنا فوق؛ آدي واحد، اتنين، تلاتة، أربعة، خمسة، ستة، سبعة، تمنية، تسعة. وعندنا زيّ التسعة دول فيه تسعة كمان في الطبقة دي. وتسعة في الطبقة دي. يبقى مجموعهم سبعة وعشرين. يبقى حجم المجسّم ده سبعة وعشرين وحدة مكعبة.

عايزين نوجد حجم المجسّم ده. هنعدّ عدد الوحدات المكعبة. واحد، اتنين، تلاتة، أربعة، خمسة، ستة. وفيه زيّهم ستة كمان ورا، يبقى آدي اتناشر. وعندنا طبقة، اتنين، تلاتة، أربعة، خمسة، ستة، سبعة. لمّا هنجمعهم يبقى حجم المكعب هيبقى أربعة وتمانين وحدة مكعبة.

عايزين نوجد حجم المجسّم اللي قدّامنا ده. هنلاقي إن الطبقة العلوية فيها واحد، اتنين، تلاتة، أربعة، خمسة. وهيبقى فيه زيّهم خمسة في الطبقة السفلية. باقي الطبقة اللي في النُّص. فلمّا هنعدهم؛ هنا واحد، واتنين، تلاتة، أربعة، خمسة. وفيه واحد في النُّص؛ يبقى ستة. وفيه تلاتة ورا مش شايفينهم؛ يبقى تسعة. يبقى حجمه خمسة زائد خمسة زائد تسعة. يبقى حجم المجسّم ده تسعتاشر وحدة مكعبة.

عايزين نعرف حجم حوض السمك، فهنملاه بالوحدات المكعبة زيّ ما قدّامنا كده. هنعدّ عدد الوحدات اللي موجودة ونكمّل عليها؛ علشان نملا حوض السمك كله. الطبقة السفلية فيها: واحد، اتنين، تلاتة، أربعة، خمسة ورا. وبعدين الستة. وهيبقى باقي هنا واحد، يبقى آدي سبعة، تمنية، تسعة، عشرة؛ عشان نعمل الطبقة السفلية. يبقى الطبقة السفلية هيبقى فيها عشر وحدات مكعبة. اللي فوقيها هيبقى فيها عشر وحدات مكعبة. واللي فوق هتبقى فيها عشر وحدات مكعبة. يبقى الحجم تلاتين وحدة مكعبة.

اتكلّمنا في الفيديو ده عن الحجم اللي هو عدد الوحدات المكعبة اللي تملأ حيزًا يشغله مجسّم. وبنقيس الحجم بالوحدات المكعبة، نشوف المجسّم هياخد كام وحدة مكعبة؛ ويبقى هو ده الحجم.