فيديو: إيجاد قيمة دالة مثلثية لزاوية بمعلوميات إحداثيات نقطة تقاطع الضلع النهائي ودائرة الوحدة

‏نسخة الفيديو النصية

أوجد جا 𝜃 علمًا بأن 𝜃 في وضعها القياسي، ويمر ضلعها النهائي بالنقطة تلاتة على خمسة، وسالب أربعة على خمسة.

عشان نقدر نحل السؤال ده هنستخدم دائرة الوحدة. لو دي عندنا دائرة الوحدة. ودائرة الوحدة يعني نصف قطرها طوله الوحدة. ولقينا إن الزاوية دي عبارة عن 𝜃. وبنلاحظ إن ضلعها النهائي بيمُرّ بالنقطة س وَ ص. فبنلاقي عندنا إن س وَ ص بتساوي جتا 𝜃 وَ جا 𝜃. يبقى النقطة اللي بيمُرّ بيها الضلع النهائي للزاوية 𝜃 عبارة عن س وَ ص بتساوي جتا 𝜃 وَ جا 𝜃.

وبكده يبقى النقطة عندنا تلاتة على خمسة، وسالب أربعة على خمسة، هتساوي جتا 𝜃 وَ جا 𝜃. وبكده يبقى جا 𝜃 عندنا هتساوي سالب أربعة على خمسة. ويبقى باستخدام دائرة الوحدة قدرنا نوجد قيمة جا 𝜃.