فيديو: الأشكال المستوية

يوضح الفيديو الأشكال المستوية المختلفة وأسماءها، ويتناول أمثلة للتعرف عليها.

٠٤:٣٩

‏نسخة الفيديو النصية

الأشكال المستوية.

هنتعرف في الدرس ده على مجموعة الأشكال الهندسية المستوية، ونتعرف على أسمائهم.

هنتعرف على الشكل المستوي. يا ترى إيه هو الشكل المستوي؟ الشكل المستوي بيبقى ليه بعدين فقط، اللي همّ الطول والعرض. الشكل المستوي يعني نقدر نرسمه على سطح الورقة. يعني نقدر نحط الشكل كله بالبُعدين بتوعه على ورقة، على سطح مستوي. زي الأمثلة اللي هنشوفها دلوقتي.

مجموعة الأشكال اللي قدامنا دي هي مجموعة الأشكال المستوية. هنتعرف عليها واحد واحد.

أول شكل عندنا هو المربع. الشكل اللي بعده ده هو الدائرة. الشكل اللي بعده هو المثلث. اللي بعده هو المستطيل. الشكل اللي بعده بنسميه شبه منحرف. شكل سداسي. الشكل اللي بعده بنسميه متوازي أضلاع.

هنتدرب على مجموعة الأشكال المستوية اللي اتعرفنا عليها دلوقتي دي، من خلال مجموعة من الأمثلة. هنجيب صفحة جديدة ونشوف أول مثال.

ارسم دائرة حول الأشكال التي لها نفس الاسم.

يعني عايزين نشوف أول حاجة الشكل اللي اسمه مستطيل. هنشوف كده أول شكل عندنا. أول شكل اللي هو ده. هل ده مستطيل؟ لأ، ده شكل سداسي. الشكل اللي بعده هل هو مستطيل؟ هو فعلًا مستطيل. هو مايل على جنب شوية بس هو مستطيل. يبقى هنعمل حواليه دائرة. الشكل اللي بعد كده هو دائرة. الشكل اللي بعد كده هو كمان مستطيل. يبقى هنعمل حوله دائرة.

المثال التاني: مطلوب مننا نتعرف على الشكل اللي اسمه مثلث. هنشوف أول شكل عندنا. أول شكل عندنا ده هو شبه منحرف. الشكل اللي بعده ده هو مثلث، يبقى هنعمل حوله دائرة. الشكل اللي بعده هو مربع. والشكل اللي بعد كده اللي عندنا ده، هو كمان مثلث؛ يبقى هنعمل حواليه دائرة.

في صفحة جديدة هنشوف بعض الأمثلة الأخرى.

دلوقتي مطلوب مننا نتعرف على شكل اسمه شبه منحرف. لو بصينا على أول شكل عندنا، الشكل ده هو الشكل السداسي. الشكل اللي بعد كده هو الشكل اللي بنسميه متوازي أضلاع. الشكل اللي بعده هو ده اسمه شبه منحرف، هنعمل عليه دايرة. والشكل اللي بعده هو كمان شبه منحرف. هنعمل عليه هو كمان دايرة.

دلوقتي مطلوب مننا نتعرف على الشكل المستوي اللي اسمه مربع. أول شكل عندنا هو ده مربع هنعمل دايرة حواليه. الشكل اللي بعده مثلث. والشكل اللي بعده مستطيل. الشكل اللي بعده مربع هو كمان، حجمه أصغر شوية بس هو مربع. عملنا دايرة حواليه. الشكل اللي بعده كمان هو كمان مربع. برضو عملنا دايرة حواليه. أما الشكل اللي بعد كده فهو مستطيل.

اتعرفنا في الدرس ده إزاي نقدر نميز الأشكال الهندسية المستوية، وعلى أسماءهم. قدرنا نعرف أشكال زي الدائرة، المثلث، المربع، المستطيل، متوازي الأضلاع، الشكل السداسي، وشبه المنحرف.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.