تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: مقارنة الأعداد المكونة من عدة أرقام

أحمد لطفي

ثلاثة أصدقاء يقارنون المسافات التي قطعوها في السفر خلال شهر؛ فقطع علي مسافة ٤‎٤٠٥ كم، وقطع أمير مسافة ٣‎٢١٢ كم، وقطع صلاح مسافة ١‎٣٠٠ كم. من الذي قطع أطول مسافة؟

٠١:٣٠

‏نسخة الفيديو النصية

ثلاثة أصدقاء يقارنون المسافات التي قطعوها في السفر خلال شهر؛ فقطع علي مسافة أربعة آلاف ربعمية وخمسة كيلومتر، وقطع أمير مسافة تلات آلاف ميتين واتناشر كيلومتر، وقطع صلاح مسافة ألف وتلتمية كيلومتر. من الذي قطع أطول مسافة؟

أول خطوة عشان نقارن بين التلات مسافات، أول حاجة محتاجين نتأكد إن التلات مسافات ليهم نفس الوحدة، فهنلاحظ إن التلات مسافات فعلًا ليهم نفس الوحدة، وهو الكيلومتر؛ وبالتالي نقدر نقارن أربعة آلاف ربعمية وخمسة، تلاتة آلاف ميتين واتناشر، وألف وتلتمية.

عشان نقدر نقارن بين التلات أعداد، هنتأكد إن كل عدد فيهم بيتكون من أربع أرقام؛ فهنجد فعلًا إن أربعة آلاف ربعمية وخمسة بيتكون من أربع أرقام، وتلاتة آلاف ميتين واتناشر بيتكون من أربع أرقام، وألف وتلتمية بيتكون من أربع أرقام. ويبقى عشان نقارن بين التلات أعداد اللي بيتكونوا من نفس عدد الأرقام، هنقارن الأرقام اللي بتكون على اليسار، يعني هنقارن الأرقام اللي في خانة الآلاف؛ وبالتالي هنقارن أربعة في خانة الآلاف مع تلاتة في خانة الآلاف، مع واحد في خانة الآلاف.

وبما إن أربعة أكبر من تلاتة وأكبر من واحد، يبقى هنقدر نقول إن أربعة آلاف ربعمية وخمسة كيلومتر هي أطول مسافة؛ وبالتالي الذي قطع أطول مسافة هو علي.