فيديو: تبسيط المقادير الجبرية التي تتضمن أسسًا سالبة باستخدام قوانين الأسس

اختصر ﺱ^−٦ ÷ ﺱ^−٤، إذا كانت ﺱ ≠ ٠.

٠١:٥٥

‏نسخة الفيديو النصية

اختصر س أس سالب ستة على س أس سالب أربعة، إذا كانت س لا تساوي صفر.

دلوقتي مطلوب مننا نقسم س أس سالب ستة على س أس سالب أربعة. خلّينا نفتكر علاقة مهمة بنستخدمها في قسمة القوى؛ لمّا يكون العددين اللي عندنا ليهم نفس الأساس، وبنقسمهم على بعض، فناتج القسمة بيبقى عبارة عن الأساس ده، وبنطرح الأُسُس. ولو عندنا قوى سالبة، فبنقدر نكتبها بالشكل ده: واحد على الأساس مرفوع للأس الموجب.

عايزين نستخدم العلاقات دي في حل السؤال ده. دلوقتي س أُس سالب ستة نقدر نكتبها على صورة واحد على س أُس ستة، وبعدين نقسم على … س أس سالب أربعة نقدر نكتبها على صورة واحد على س أُس أربعة. في حالة القسمة على كسور، بنقدر نحوّلها لعملية ضرب؛ الحد الأول بيفضل زي ما هو، وبنستبدل علامة القسمة بعلامة الضرب، وبنضرب في المعكوس الضربي للكسر اللي بعد علامة القسمة؛ يعني هنضرب في س أُس أربعة على واحد، اللي هي نفسها س أُس أربعة؛ كده نقدر نقول إن حاصل الضرب هيبقى س أُس أربعة على س أُس ستة.

بما إن القوى اللي عندنا الاتنين ليهم نفس الأساس، وإحنا بنعمل عملية قسمة، فيبقى هنطرح الأسس؛ يبقى هيساوي س أُس أربعة ناقص ستة، يعني هيساوي س أُس سالب اتنين، اللي هي نقدر نكتبها على صورة واحد على س أُس اتنين.

ويبقى كده قدرنا نوجد الناتج، وبشرط إن س لا تساوي صفر؛ عشان ما ينفعش نقسم عَ الصفر، عشان القسمة على الصفر هتدّينا كمية غير معرّفة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.