فيديو: تقريب خارج قسمة أعداد عشرية لأقرب جزء من عشرة

احسب ٣٧٣٫٩ ÷ ٦٦٫٦ لأقرب جزء من عشرة.

٠٧:٠١

‏نسخة الفيديو النصية

احسب تلتمية تلاتة وسبعين وتسعة من عشرة، على ستة وستين وستة من عشرة، لأقرب جزء من عشرة.

هنلاحظ في عملية القسمة اللي عندنا دي إن المقسوم عليه عدد عشري. قبل ما نُجري عملية القسمة، عايزين المقسوم عليه يبقى عدد صحيح. عشان نقدر نعمل كده، هنضرب المقسوم والمقسوم عليه في عشرة.

لمّا نضرب في عشرة، بنحرك العلامة العشرية مكان واحد جهة اليمين، في المقسوم وفي المقسوم عليه. فهتصبح عملية القسمة بالشكل ده تلات تلاف سبعمية تسعة وتلاتين على ستمية ستة وستين. هنستخدم القسمة المطوَّلة عشان نقدر نوجد خارج القسمة.

طب إحنا دلوقتي لو جينا نقسم أول تلات أرقام من المقسوم، اللي هو هيبقى تلتمية تلاتة وسبعين. على المقسوم عليه، اللي هو ستمية ستة وستين. هنلاقي إن العدد ده هيبقى أقل من المقسوم عليه. فمش هينفع نقسمه. يعني إحنا محتاجين نقسم كل العدد على بعضه تلات تلاف سبعمية تسعة وتلاتين على ستمية ستة وستين.

طب خلينا نستخدم التقريب؛ عشان نقدر نقدر ناتج القسمة. تلات تلاف سبعمية تسعة وتلاتين نقدر نقربها لأقرب ألف، فتبقى أربعة آلاف. طيب أربعة آلاف لو جينا نقسمها على … نقول مثلًا بدل ستمية ستة وستين نقول سبعمية. يا ترى أربعة آلاف ممكن يبقى فيها كام سبعمية؟ هنشوف كده جدول السبعة.

من جدول السبعة، خمسة في سبعة بِخمسة وتلاتين؛ يعني لو ضربنا خمسة في سبعمية هتدينا تقريبًا تلات تلاف وخمسمية. ده تقريبًا كده ممكن يبقى أقرب عدد هنقدّره. خلينا نحط دلوقتي خمسة، وبعدين نرجع نجري عملية الضرب. هنضرب خمسة في ستمية ستة وستين. خمسة في ستة بتلاتين، صفر ومعانا التلاتة. خمسة في ستة بتلاتين، ونجمع عليها التلاتة تبقى تلاتة وتلاتين. تلاتة، والتلاتة هنحتفظ بيها فوق خانة المئات. خمسة في ستة بِتلاتين، زائد تلاتة يبقى تلاتة وتلاتين. يبقى حاصل الضرب هنا تلات تلاف تلتمية وتلاتين. هنكتبه، وبعدين نجري عملية طرح.

تسعة ناقص صفر هيساوي تسعة. تلاتة ناقص تلاتة يساوي صفر. سبعة ناقص تلاتة يساوي أربعة. وبعدين تلاتة ناقص تلاتة هيساوي صفر. دلوقتي لسّه ما حصلناش على أصفار؛ يعني عايزين نكمل عملية القسمة، هي كده ما انتهتش. فبنعمل إيه؟ بنحط علامة عشرية في خارج القسمة، ونحط بقى الأصفار اللي إحنا محتاجينها على يمين العلامة العشرية دي. ونبتدي ننزّل الصفر، ونكمل عملية القسمة.

عايزين نقسم أربعة آلاف وتسعين على ستمية ستة وستين. هنحاول برضو باستخدام التقريب نقدّر ناتج القسمة. أربعة آلاف وتسعين دي نقدر نقرّبها لمّا نقرّبها لأقرب ألف، تبقى أربعة آلاف. والستمية ستة وستين خلينا نقربها لأقرب مية، فتبقى سبعمية. طب أربعة آلاف لمّا نيجي نقسمها على سبعمية. إحنا آخر مرة لمّا ضربنا خمسة في ستمية ستة وستين إدّت لنا تلات تلاف تلتمية وتلاتين. إحنا عايزين العدد اللي أكبر من ده؛ لأن أربعة آلاف وتسعين تسمح بإننا نحط فيها مرة كمان ستمية ستة وستين. فخلينا نجرب إننا نحط العدد ستة.

دلوقتي هنضرب ستة في ستمية ستة وستين. ستة في ستة يساوي ستة وتلاتين. ستة، وهنحتفظ بالتلاتة فوق خانة العشرات. ستة في ستة بستة وتلاتين، ونجمع عليها التلاتة يبقى تسعة وتلاتين. تسعة، ونحتفظ بالتلاتة فوق المئات. ستة في ستة بِستة وتلاتين، وتلاتة يبقى تسعة وتلاتين. يبقى هنحط حاصل الضرب ونبتدي نجري عملية طرح.

صفر ناقص ستة مش هينفع نطرح الستة من الصفر؛ عشان الستة أكبر. فهنتحرك نشوف الخانة المكانية اللي قبل الصفر، هنلاقي فيها تسعة. هناخد منها واحد، فهيصبح فيها تمنية، والصفر دي هتصبح عشرة. دلوقتي هنطرح عشرة ناقص ستة هيساوي أربعة. وبعدين نطرح تمنية ناقص تسعة، هنلاقي إن تسعة أكبر من التمنية، مش هنعرف نجري عملية الطرح. هنشوف الخانة المكانية اللي قبل كده، هنلاقي فيها صفر فمش هينفع ناخد منها واحد. هنتحرك للخانة المكانية اللي قبلها اللي فيها أربعة. هناخد منها واحد فهيتبقى فيها تلاتة. الصفر بقى ده هيصبح عشرة. دلوقتي نقدر ناخد منه واحد، فهيصبح الخانة دي فيها تسعة، والتمنية دي هتصبح تمنتاشر.

دلوقتي نقدر نطرح تمنتاشر ناقص تسعة، هيساوي تسعة. وبعدين تسعة ناقص تسعة هيساوي صفر. وتلاتة ناقص تلاتة، هيساوي صفر. لسّه كده القسمة ما انتهتش؛ لأن الناتج ما بقاش أصفار. يعني نقدر نكمّل عملية القسمة بإننا نزود صفر كمان على يمين العلامة العشرية في المقسوم، ونبتدي ننزّل الصفر ده بالشكل ده.

طب هنيجي نقسم تسعمية وأربعين على ستمية ستة وستين. ناتج القسمة هيبقى واحد. وبعدين نضرب واحد في ستمية ستة وستين. يبقى ستمية ستة وستين. نرجع نطرح. هنبتدي نطرح صفر ناقص ستة، مش هينفع نطرح الستة من الصفر، فهنشوف الرقم اللي في الخانة اللي قبلها اللي هو الأربعة. هناخد منه واحد فهيصبح في الخانة دي تلاتة، والصفر ده هيصبح عشرة. دلوقتي نقدر نطرح عشرة ناقص ستة هيبقى أربعة.

بعدين نطرح تلاتة ناقص ستة، مش هينفع نطرح الستة من التلاتة؛ عشان الستة أكبر. فهنشوف الخانة المكانية اللي قبلها فيها تسعة. ناخذ منها واحد فهيصبح فيها تمنية، والتلاتة دي هتصبح دلوقتي تلتاشر. كده نقدر نطرح تلتاشر ناقص ستة، فهيبقى الناتج سبعة. وبعدين نطرح تمنية ناقص ستة، هيساوي اتنين.

عملية القسمة برضو ما انتهتش. بس إحنا هنقف لغاية كده. هناخد خارج القسمة اللي حصلنا عليه لغاية دلوقتي، اللي هو خمسة وواحد وستين من مية، وهنشوف إزّاي هنقرّبه لأقرب جزء من عشرة. هنحط خط تحت الخانة المكانية اللي إحنا عايزين نقرّب ليها، اللي هي خانة الأجزاء من عشرة. نبص عَ الرقم اللي على يمين الخانة دي، اللي هو واحد. واحد ده أقل من خمسة، فمعناها إننا مش هنزوّد الرقم اللي في الخانة المكانية، هنحوّل بس الأرقام اللي على يمينه إلى أصفار. فخارج القسمة ده لمّا نقرّبه لأقرب جزء من عشرة، هيبقى بيساوي تقريبًا خمسة وستة من عشرة. يبقى خارج عملية القسمة بعد ما نقرّبه لأقرب جزء من عشرة، هيبقى بيساوي خمسة وستة من عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.