فيديو السؤال: الأعداد النسبية وغير النسبية الرياضيات • الصف الثاني الإعدادي

نسخة الفيديو النصية

هل العدد ربعمية ستة وخمسين من ألف عدد نسبي أو غير نسبي؟

يعني معطى عندنا العدد العشري ده. والمطلوب إننا نحدّد هل هو عدد نسبي أم عدد غير نسبي. وفي الأول خلّينا نفتكر إن العدد النسبي هو: العدد الذي يمكن وضعه على الصورة أ على ب. حيث أ وَ ب ينتميان إلى مجموعة الأعداد الصحيحة ص، وَ ب لا تساوي الصفر. وأمّا تعريف العدد غير النسبي فهو: العدد الذي لا يمكن وضعه على الصورة أ على ب. حيث أ وَ ب ينتميان إلى مجموعة الأعداد الصحيحة ص، وَ ب لا تساوي الصفر.

فلمّا نيجي نشوف العدد العشري اللي عندنا اللي هو ربعمية ستة وخمسين من ألف. فنقدر نكتبه في صورة كسر بالشكل ده. واللي هو ربعمية ستة وخمسين على ألف. ونقدر نختصر الكسر ده بالشكل ده. وده عن طريق إننا نقسم البسط والمقام على تمنية. فلمّا نيجي نشوف الكسر اللي عندنا ده اللي هو سبعة وخمسين على مية خمسة وعشرين. فهنلاحظ إن هو مكتوب على الصورة أ على ب؛ بحيث إن أ وَ ب بينتميان إلى مجموعة الأعداد الصحيحة ص.

وبما إن سبعة وخمسين ومية خمسة وعشرين هم أعداد صحيحة. وفي نفس الوقت المقام اللي هو مية خمسة وعشرين لا يساوي الصفر. فمعنى كده إننا حقّقنا الشروط دي. اللي هي أ وَ ب بينتميان لمجموعة الأعداد الصحيحة ص، وَ ب لا تساوي الصفر. فبما إننا قدِرنا نكتبه على الصورة أ على ب، فبالتالي هيبقى العدد اللي عندنا ده هو عدد نسبي.

وبالتالي هتبقى إجابة السؤال: «هل العدد ربعمية ستة وخمسين من ألف عدد نسبي أو غير نسبي؟» هي: عدد نسبي.