فيديو: تحديد نصف المستطيل والدائرة

اختر طريقة لتقسيم مستطيل إلى نصفين. [أ] مستطيل أ [ب] مستطيل ب [ج] مستطيل ﺟ

٠٢:١٦

‏نسخة الفيديو النصية

اختر طريقة لتقسيم مستطيل إلى نصفين.

عندنا تلات مستطيلات متقسّمين لجزئين. عاوزين نعرف أيّ طريقة فيهم هي اللي قسمت المستطيل لنُصين. يعني إيه لنُصين؟ يعني لجزئين زيّ بعض، وقدّ بعض بالظبط. طيب يا ترى أيّ مستطيل هو اللي متقسّم لنُصين متساويين؟ تعالوا نشوف.

وهنبص على أول مستطيل. هنلاقي إن أول مستطيل مقسوم لجزئين. ده هو الجزء الأول اللي إحنا ظلّلناه ده. وده هو الجزء التاني، الجزء ده. هل الجزئين دول بيساووا بعض؟ لأ طبعًا؛ ده إحنا لو بصّينا، هنلاقي إن الجزء ده كبير، لكن الجزء ده صغير. يبقى معنى كده إن هم مش بيساووا بعض، أو المستطيل ده ما اتقسّمش لنُصين. يبقى هو مش الإجابة أو مش الاختيار الصح، ونستبعده.

ونشوف تاني مستطيل. تاني مستطيل متقسّم لجزئين. ده هو الجزء الأول، الشكل ده. أمّا ده، فهو الجزء التاني. نفس الحكاية؛ الجزء ده صغير، لكن الجزء ده كبير؛ مش قدّ بعض. يبقى معنى كده إن المستطيل ده مش متقسّم لنُصين. فبرضو هنستبعد الإجابة أو الاختيار ب.

نشوف آخر اختيار، واللي هو ج. هنلاقي إن المستطيل في ﺟ متقسّم لإيه؟ للجزء ده كده، وللجزء ده. لو بصينا شوية على المستطيل، هنلاقي إن الجزئين قدّ بعض. فده معناه إن هو مقسوم لنُصين. ده نص، وده نص. عرفنا إيه هي الإجابة الصح؟ الإجابة الصح هي المستطيل ده، واللي متقسّم لنُصين قدّ بعض بالظبط.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.