فيديو: تحديد الصور التحليلية للأعداد

أيٌّ من المقادير التالية يساوي ٥٤٨؟ [أ] ٥٠٠ + ٤ + ٨ [ب] ٥ + ٤ + ٨ [ج] ٤٠٠ + ٥٠ + ٨٠ [د] ٥٠ + ٤٠ + ٨٠ [ﻫ] ٥٠٠ + ٤٠ + ٨

٠٣:٢٩

‏نسخة الفيديو النصية

أيٌّ من المقادير التالية يساوي خمسمية تمنية وأربعين؟ أ: خمسمية زائد أربعة زائد تمنية. ب: خمسة زائد أربعة زائد تمنية. ج: ربعمية زائد خمسين زائد تمنية. د: خمسين زائد أربعين زائد تمنية. ﻫ: خمسمية زائد أربعين زائد تمنية.

عاوزين نعرف أيّ مقدار من الخمس مقادير اللي قدامنا دول هو اللي بيساوي خمسمية تمنية وأربعين. مش الخمسمية تمنية وأربعين ده عدد مكوَّن من تلات أرقام، اللي هي التمنية والأربعة والخمسة، وكل رقم له قيمة مكانية؟ يعني التمنية هنا آحاد، والأربعة عشرات، والخمسة مئات. طيب إحنا ينفع نحلّله ونجيب المقدار اللي بيساويه؟ أكيد ينفع.

إحنا عندنا التمنية آحاد. يعني إيه التمنية آحاد؟ يعني قيمتها بتنزل تمن وحدات زيّ ما هي. طيب بعدين هنعمل الأربعة. الأربعة عشرات يعني قيمتها إيه؟ أربعين. تمام. بعدين الخمسة. الخمسة مئات. يعني قيمتها خمسمية. مش إحنا لو جمعنا التمنية زائد الأربعين زائد الخمسمية هيكون الناتج خمسمية تمنية وأربعين؟ أكيد. يبقى معنى كده إن المقدار اللي بيساوي خمسمية تمنية وأربعين هو تمنية زائد أربعين زائد خمسمية.

طيب لو جينا نبصّ على الاختيارات، ونشوف أول اختيار. أول اختيار فيه خمسمية؟ صحّ. زيّ الخمسمية دي. زائد أربعة. لأ، هنا أربعين مش أربعة. زائد تمنية. يبقى الاختيار ده مش صحّ؛ علشان هو كاتب أربعة وإحنا عندنا أربعين.

طيب نشوف اللي بعده ده. خمسة زائد أربعة زائد تمنية. برضو مش صحّ. إحنا عندنا خمسمية زائد أربعين زائد تمنية. يبقى برضو الاختيار ده غلط. نشوف اللي بعده. ربعمية زائد خمسين زائد تمنية. هنا التمنية ماشي. بس الربعمية … إحنا عندنا أربعين. والخمسين … إحنا عندنا خمسمية. يبقى برضو الاختيار ده مش هو اللي صحّ.

نشوف اللي بعده. خمسين زائد أربعين زائد تمانين. عندنا تمنية، وأربعين، وخمسمية. مش زيّ بعض. يبقى برضو غلط. نشوف آخر اختيار. عندنا خمسمية؟ أيوه موجودة عندنا. زائد أربعين. أهي. زائد تمنية. أهي.

يبقى كده عرفنا إيه هو الاختيار الصحّ. هو الاختيار الأخير ده: خمسمية زائد أربعين زائد تمنية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.