فيديو: إيجاد عناصر مجهولة باستخدام التساوي بين المجموعات

إذا كانت {ﺏ، ٣، ٤} = {ﺟ، ٩، ٤}، فأوجد ﺏ، ﺟ.

٠١:١١

‏نسخة الفيديو النصية

إذا كانت المجموعة: ب وتلاتة وأربعة، تساوي المجموعة: ج وتسعة وأربعة. فأوجد ب وَ ج.

دلوقتي عندنا في السؤال مجموعتين متساويتين. يعني معناها إن بيحتووا على نفس العناصر. يعني خلّينا نشوف كل عنصر من عناصر المجموعة الأولى، والعنصر اللي زيّه بالظبط في المجموعة التانية. عشان ده اللي هيساعدنا إن إحنا نوجد قيم ب وَ ج.

دلوقتي ندوّر الأول على العناصر المشتركة. عندنا أربعة موجود في المجموعة الأولى، والمجموعة التانية. طيب عندنا تلاتة في المجموعة الأولى، ما فيش تلاتة في المجموعة التانية، بس فيه المتغير ج. يبقى عشان يتساووا المجموعتين، لازم تلاتة يبقى هو نفسه المتغير ج. يبقى عشان يتحقق التساوي للمجموعتين، لازم المتغير ج يبقى بيساوي تلاتة.

طب عندنا في المجموعة الأولى فيه المتغير ب، وعندنا في المجموعة التانية فيه العدد تسعة. برضو عشان يحصل تَساوي للمجموعتين، لازم المتغير ب يبقى قيمته بتساوي تسعة. يبقى كده قدرنا نوجد قيمة المتغير ب، وقيمة المتغير ج. ج هيبقى بيساوي تلاتة، وَ ب هتبقى بتساوي تسعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.