فيديو: إيجاد مساحة سطح منشور

الرسم في الشكل سيُغمَر في الماء. ما كمية الماء بالسنتيمتر المكعب، التي سيحل محلها المنشور؟

٠٢:١٤

‏نسخة الفيديو النصية

الرسم في الشكل سيُغمَر في الماء. ما كمية الماء بالسنتيمتر المكعب، التي سيحل محلها المنشور؟

ومعطى عندنا المنشور الثلاثي اللي في الشكل. والمنشور ده هيُغمَر في الماء. فعشان نوجد كمية الماء اللي هيحل محلها المنشور، يبقى عايزين نحسب حجم المنشور الثلاثي. لأن حجم المنشور هيساوي كمية الماء اللي هيحل محلها.

وخلينا نفتكر إن حجم المنشور الثلاثي بيساوي حاصل ضرب مساحة القاعدة في الارتفاع. وقاعدة المنشور الثلاثي بتبقى على شكل مثلث. فهتبقى القاعدة اللي عندنا هي المثلث اللي في الشكل ده. وعشان نحسب مساحة القاعدة، يبقى عايزين نحسب مساحة المثلث. ومساحة المثلث بتساوي نص القاعدة في الارتفاع. ومعطى عندنا القاعدة ستة سنتيمتر، والارتفاع خمسة سنتيمتر. فهتبقى مساحة القاعدة بتساوي نص القاعدة اللي هي ستة سنتيمتر، في الارتفاع اللي هو خمسة سنتيمتر.

وزي ما عرفنا إن حجم المنشور الثلاثي بيساوي مساحة القاعدة في الارتفاع. فإحنا كده جِبنا مساحة القاعدة. فاضل نضرب في الارتفاع. ومعطى عندنا في الشكل إن ارتفاع المنشور الثلاثي خمستاشر سنتيمتر. فبالتالي هنضرب مساحة القاعدة في الارتفاع اللي هو خمستاشر.

بعد كده هنوجد حاصل ضرب نُص في ستة في خمسة في خمستاشر. وممكن نختصر عن طريق إننا نقسم هنا اتنين على اتنين بواحد. وستة على اتنين بتلاتة. فلو ضربنا تلاتة في خمسة هتساوي خمستاشر. يبقى عايزين نوجد حاصل ضرب خمستاشر في خمستاشر. فلمّا نحسبها هتبقى بتساوي ميتين خمسة وعشرين.

وبما إن إحنا بنحسب حجم المنشور الثلاثي، فبالتالي الوحدة لازم تبقى وحدة مكعبة. وبما إن الأبعاد معطاة عندنا بالسنتيمتر، فبالتالي هيبقى حجم المنشور الثلاثي بيساوي ميتين خمسة وعشرين سنتيمتر تكعيب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.