فيديو: تكوين عدد من رقمين ثم إيجاد ناتج العدد الذي يزيد عنه بمقدار ١٠ باستخدام المكعبات التي قاعدة تكوينها ١٠

أوجد العدد المكوَّن من رقمين ثم أوجد ناتج إضافته إلى ١٠. ما الصورة التي توضِّح العدد ٢٦؟

٠٢:٣٧

‏نسخة الفيديو النصية

أوجد العدد المكوّن من رقمين، ثم أوجد ناتج إضافته إلى عشرة.

السؤال ده فيه جزئين. أول جزء هنشوف عدد مكوّن من رقمين، أي صورة من الصور دي هي اللي بتمثّله. وبعد ما نعرف أي صورة من الصور دي هي اللي بتمثّله، هنوجد ناتج إضافته للعشرة.

فدلوقتي هنحل أول جزء من السؤال: ما الصورة التي توضّح العدد ستة وعشرين؟ هل هي الصورة دي، ولّا الصورة دي، ولّا الصورة دي؟ هنشوف كل صورة. أول صورة مثلًا فيها مربعات اللي لونها أحمر، كام مربع؟ واحد، اتنين، تلاتة، أربعة، خمسة، ستة؛ يبقى ستة في الآحاد. والعمود ده فيه عشر مربعات، يعني واحد في العشرات؛ معنى كده إن الصورة دي تساوي ستاشر، مش ستة وعشرين؛ يبقى الصورة دي غلط.

طب لو جينا نبص على الصورة اللي بعدها؟ إحنا قلنا العمود الأصفر بعشرة؛ يعني هنا عشرة، وهنا عشرة. عشرة وعشرة يعني عشرين. برضو مش ستة وعشرين؛ يبقى برضو الصورة دي غلط.

لو جينا نشوف الصورة التالتة، هنلاقي إن المربعات الحمرا دي ستة آحاد، وعمودين لونهم أصفر؛ يعني عشرين اللي هو اتنين عشرات. يبقى ستة وعشرين. عرفنا إيه هي الصورة الصح؟ هي دي، ستة آحاد واتنين عشرات، يعني ستة وعشرين. تمام، كده عرفنا الصورة اللي بتوضح العدد ستة وعشرين، وجاوبنا على أول جزء من السؤال.

الآن أوجد العدد الأكبر بمقدار عشرة من العدد ستة وعشرين. ده الجزء التاني من السؤال. لاقينا خلاص العدد ستة وعشرين وعرفناه. آدي الستة وعشرين. عاوزين نعرف العدد الأكبر منها بمقدار عشرة. هنكبّر عنها عشرة، يعني هنزود عليها عشرة.

طيب لو زوّدنا عشرة عَ الستة وعشرين، الناتج هنا هيكون إيه؟ معنى إننا نزوّد عشرة يعني بنزوّد واحد في خانة العشرات. يعني كأننا زوّدنا عمود أصفر كمان على الصورة دي. فلو جينا للستة وعشرين مكوّنة من ستة في الآحاد واتنين في العشرات. هنزود واحد في العشرات يعني هنخلي الاتنين دي تلاتة. لكن الستة بتاع الآحاد هتفضل ستة زي ما هي.

عرفنا العدد الأكبر بمقدار عشرة هو إيه؟ ستة وتلاتين. وهي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.