فيديو: الجمع بالعد التصاعدي

يوضِّح الفيديو كيفية إيجاد ناتج الجمع عن طريق العد التصاعدي.

٠٤:٥٤

‏نسخة الفيديو النصية

هنتكلم عن الجمع بالعدّ التصاعدي. هنتعلم إزاي نجيب ناتج الجمع بالعدّ التصاعدي. هبتدي الشرح بالمثال التالي. في صندوق ست مكعبات، زيّ ما هو موضح قدامي، أُضيفَ إليهم مكعبين. فما عدد المكعبات في الصندوق؟ هنطّبق إزاي الجمع بالعدّ التصاعدي. هبتدي بالعدد ستة. وبعدين هعدّ تصاعديًّا مرتين. يعني بعد ستة: سبعة، وبعدين تمنية. إذن ناتج جمع ستة زائد اتنين، هيساوي تمنية.

هناخد مثال تاني في الصفحة اللي جاية. مثال: استعمِل المكعبات وابدأ بالعدد الأكبر، ثم عدّ تصاعديًّا، لإيجاد ناتج الجمع. رقم واحد: هلاحظ إن عندي صندوق مكتوب عليه خمسة، وبعدين جنبيه تلات مكعبات. إذن هبتدي بالعدد خمسة. وأعدّ بعد الخمسة: ستة، سبعة، تمنية. إذن خمسة زائد تلاتة هيساوي تمنية. رقم اتنين: هنلاحظ إنه مكتوب على الصندوق تمنية، وجنبيه تلات مكعبات. إذن هبتدي بالعدد تمنية، وأعدّ تصاعديًّا تلات مرات. بعد التمنية: تسعة، عشرة، حداشر. إذن تمنية زائد تلاتة هيساوي حداشر.

نكمّل في الصفحة اللي جاية. رقم تلاتة: هنلاحظ إن عندي صندوق مكتوب عليه ستة، وجنبيه مكعب واحد. إذن هبتدي بالعدد ستة، وأعدّ تصاعديًّا مرة واحدة. بعد الستة: سبعة. إذن ستة زائد واحد، هيساوي سبعة. رقم أربعة: هلاحظ إن عندي صندوق مكتوب عليه سبعة، وجنبيه أربع مكعبات. إذن هبتدي بالعدد سبعة، وبعدين أعدّ تصاعديًّا أربع مرات. بعد السبعة: تمنية، تسعة، عشرة، حداشر. إذن سبعة زائد أربعة، هيساوي حداشر.

هنكمل في الصفحة اللي جاية. مثال: ستة زائد تلاتة، هيساوي نقط. هبتدي أعمل دايرة حوالين العدد الأكبر، وهو ستة. وأعدّ تصاعديًّا بعد الستة تلات مرات. بعد الستة: سبعة، تمنية، تسعة. إذن ستة زائد تلاتة، هيساوي تسعة.

هنكمّل في الصفحة اللي جاية. مثال: ارسم دايرة حوْل العدد الأكبر، وبعدين عدّ تصاعديًّا لإيجاد ناتج الجمع. رقم واحد: تلاتة زائد تسعة. إذن العدد الأكبر هو تسعة. هعدّ بعد التسعة تلات عدّات. عشرة، حداشر، اتناشر. إذن ناتج الجمع هو اتناشر. رقم اتنين: واحد زائد تمنية. هرسم دايرة حوالين العدد الأكبر، وهو تمنية. وبعدين أعدّ بعد التمنية عدّة واحدة. إذن بعد التمنية: تسعة. إذن ناتج الجمع هو تسعة.

رقم تلاتة: اتنين زائد خمسة. العدد الأكبر هو خمسة. هرسم حواليه دايرة. وبعدين أعدّ عدّتين بعد الخمسة. بعد الخمسة: ستة، سبعة. إذن ناتج الجمع هو سبعة. رقم أربعة: أربعة زائد واحد. العدد الأكبر هو أربعة، هرسم حواليه دايرة. وبعدين أعدّ عدّة واحدة بعد الأربعة. بعد الأربعة: خمسة. إذن ناتج الجمع هو خمسة.

رقم خمسة: اتنين زائد ستة. العدد الأكبر هو ستة، هرسم حواليه دايرة. وبعدين أعدّ عدّتين بعد الستة. بعد الستة: سبعة، تمنية. إذن ناتج الجمع هو تمنية. رقم ستة: تسعة زائد اتنين. هرسم دايرة حوالين العدد الأكبر، وهو تسعة. وبعد التسعة أعدّ عدّتين. عشرة، حداشر. إذن ناتج الجمع هو حداشر.

وبكده نكون اتعلّمنا إزاي نجمع بالعدّ التصاعدي. ببتدي بالعدد الأكبر، وبعدين أعدّ تصاعديًّا بعدد مرات العدد الأصغر. وبكده أكون وصلت للناتج.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.