فيديو: جداول الدوال (الضرب والقسمة)

يوضِّح الفيديو طريقة تكوين الجداول باستعمال الضرب والقسمة وإكمالها.

٠٦:٥٧

‏نسخة الفيديو النصية

هنتكلّم عن جداول الدوال للضرب والقسمة. هنتعلّم إزّاي نستعمل عمليتي الضرب والقسمة؛ عشان أكوِّن جدول وأكمله.

هبتدي الشرح بالمثال التالي: نهى تحصد حقل يوميًّا عشان تحصل على المال. إذا حصدت اتنين متر مربع فإنها تحصل على اتناشر جنيه. وإذا حصدت أربعة متر مربع هتحصل على أربعة وعشرين جنيه. وإذا حصدت ستة متر مربع هتحصل على ستة وتلاتين جنيه. فكم هتكسب نهى إذا حصدت تمنية، وعشرة، واتناشر متر مربع؟

هكّون جدول يوضّح العلاقة بين المساحة والأموال اللي هتحصل عليها نهى بالجنيه. الجدول هيتكون من خانتين: الخانة الأولى المساحة بالمتر المربع، ودي تُعتبر المُدخَلة وهنرمز ليها بالرمز أ. والخانة التانية هي الأموال بالجنيه، ودي تعتبر المُخرَجة وهنرمز ليها بالرمز ب.

هنلاحظ النمط التالي؛ إنه اتنين في ستة هيساوي اتناشر. لمّا نهى حصدت اتنين متر مربّع حصلت على اتناشر جنيه. وأربعة في ستة يساوي أربعة وعشرين. لمّا نهى حصدت أربعة متر مربع حصلت على أربعة وعشرين جنيه. وستة في ستة هيساوي ستة وتلاتين. لمّا نهى حصدت ستة متر مربع حصلت على ستة وتلاتين جنيه. وبالتالي هلاحظ إن القاعدة هي الضرب في ستة.

وبكده أقدر أقول إن المعادلة هي إنه أ في ستة هيساوي ب؛ حيث إن أ هي المُدخَلة، وَ ب هي المُخرَجة. يبقى أنا بضرب المُدخَلة في ستة عشان أحصل على المُخرَجة. وبالتالي عشان أجيب الفلوس اللي هتحصل عليها نهى لمّا تحصد تمنية، وعشرة، واتناشر متر مربع. هضرب كل مرة المساحة في ستة.

هنكمّل في الصفحة اللي جايّة.

وبالتالي هكتب المعادلة: أ في ستة هيساوي ب. هعّوض أول مرة عن أ بتمنية. يعني لمّا هتحصد تمنية متر مربع هتحصل على تمنية وأربعين جنيه؛ لأني هضرب تمنية في ستة هيساوي تمنية وأربعين.

تاني مرة هكتب برضو المعادلة: أ في ستة هيساوي ب. وهعوّض عن أ بعشرة. عشرة في ستة هيساوي ستين. يعني لمّا هتحصد عشرة متر مربع هتحصل على ستين جنيه.

وأخيرًا هعوّض عن أ باتناشر. هضرب اتناشر في ستة. اتناشر في ستة هيساوي اتنين وسبعين. إذن لمّا تحصد اتناشر متر مربع هتحصل على اتنين وسبعين جنيه.

وبالتالي هتكسب نهى: تمنية وأربعين جنيه، ستين جنيه، واتنين وسبعين جنيه. هنلاحظ إنه يجب التأكُّد من إن القاعدة صحيحة مع كل عدد في الجدول. هناخد مثال.

مثال: تكلفة علب الشوكولاته موضحة في الجدول التالي. اكتب معادلة توصف النمط.

هنلاحظ إن الجدول بيوضّح العلاقة بين التكلفة وعدد العلب. هنلاحظ إن التكلفة هي المُدخَلة وهنرمز ليها بالرمز ج. وعدد العلب هو المُخرَجة وهنرمز ليه بالرمز د. لمّا يكون التكلفة أربعة جنيه عدد العلب هيكون واحد. إذن النمط هيكون أربعة على أربعة هيساوي واحد.

ولمّا يكون التكلفة تمنية جنيه فإن عدد العلب هيساوي اتنين. يعني تمنية على أربعة هيساوي اتنين.

ولمّا تكون التكلفة اتناشر جنيه عدد العلب هيكون تلاتة. يعني اتناشر على أربعة هيساوي تلاتة.

هنلاحظ هنا إن القاعدة هي القسمة على أربعة. وبالتالي المعادلة أقدر أقول إنه ج على أربعة هيساوي د. دلوقتي هنستعمل المعادلة عشان أجيب عدد العلب اللي هتتكلف ستاشر، وعشرين، وأربعة وعشرين جنيه.

هكتب المعادلة: ج على أربعة هيساوي د. هعوض أول مرة عن ج بستاشر. إذن هقدر أقول إنه ستاشر على أربعة هيساوي أربعة.

تاني مرة هكتب المعادلة برضو: ج على أربعة هيساوي د. هعوّض عن ج بعشرين. عشرين على أربعة هيساوي خمسة.

هكتب المعادلة مرة كمان: ج على أربعة هيساوي د. هعوض دلوقتي عن ج بأربعة وعشرين. يعني أربعة وعشرين على أربعة هيساوي ستة.

إذن عدد العلب هو أربعة، وخمسة، وستة. وبكده هنكون كمّلنا الجدول.

هنكمّل في الصفحة اللي جايّة.

اكتب معادلة تصف النمط التالي. وبعدين استخدم المعادلة لكتابة التلات أعداد التالية.

هنلاحظ في الجدول العلاقة بين المُدخَلة م والمُخرَجة و. هنلاحظ إنه ضربنا واحد في خمسة عشان نحصل على خمسة. ضربنا تلاتة في خمسة عشان نحصل على خمستاشر. وضربنا خمسة في خمسة عشان نحصل على خمسة وعشرين. وبكده أقدر أقول إن القاعدة هي الضرب في خمسة. يعني المعادلة هي م في خمسة هيساوي و؛ حيث أن م هي المُدخَلة وَ و هي المُخرَجة.

دلوقتي عشان أجيب التلات أعداد التالية هكتب المعادلة كل مرة: م في خمسة هيساوي و. هعوض عن م بسبعة. إذن سبعة في خمسة هيساوي خمسة وتلاتين. يعني أول عدد هو خمسة وتلاتين.

بعد كده هكتب المعادلة تاني: م في خمسة هيساوي و. هعوض دلوقتي عن م بتسعة. تسعة في خمسة هيساوي خمسة وأربعين. إذن تاني عدد هو خمسة وأربعين.

هكتب المعادلة مرة كمان: م في خمسة هيساوي و. هعوض دلوقتي عن م بحداشر. إذن حداشر في خمسة هيساوي خمسة وخمسين. إذن تالت عدد هو خمسة وخمسين. وبكده هنكون جبنا التلات أعداد التالية.

وبكده هنكون اتعلّمنا إزّاي نستعمل عمليتي الضرب والقسمة عشان أكون جدول وأكمله.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.