فيديو: إيجاد إحداثيات نقطة غير مرسومه على مستوى إحداثي معطى

أيُّ الإحداثيات لم يُرسَم في شبكة الإحداثيات الموضَّحة؟ [أ] (٠، ٤) [ب] (٤، ٤) [ج] (٢، ٤) [د] (٤، ٠) [ﻫ] (٠، ٠)

٠٢:١٦

‏نسخة الفيديو النصية

أي الإحداثيات لم يُرسم في شبكة الإحداثيات الموضّحة؟ الاختيار الأول: الزوج المرتب صفر وأربعة. الاختيار التاني: الزوج المرتب أربعة وأربعة. الاختيار التالت: الزوج المرتب اتنين وأربعة. الاختيار الرابع: الزوج المرتب أربعة وصفر. والاختيار الخامس: الزوج المرتب صفر وصفر.

هنبتدي نوجد إحداثيات كل نقطة من النقط الموضَّحة عَ الشبكة اللي قدامنا، وبعدين نقارنهم بالإجابات أو الاختيارات المتاحة.

أول نقطة عندنا اللي هي النقطة دي، هنلاقي إن الإحداثيات بتاعتها هي بتنطبق على نقطة الأصل؛ فالإحداثيات بتاعتها هي صفر وصفر. يعني صفر في محور السينات، وصفر في محور الصادات. هي واقعة عند التقاء أو تقاطع المحورين.

نشوف دلوقتي النقطة اللي بعد كده، اللي هي النقطة دي. النقطة دي واقعة على محور الصادات؛ يعني الإحداثي السيني بتاعها بصفر، أما الإحداثي الصادي فهو … مشينا قد إيه على محور الصادات عشان نوصل للنقطة دي؟ هنلاقي إن إحنا مشينا أربع وحدات على محور الصادات. يبقى الإحداثيات بتاعتها هي صفر وأربعة.

النقطة اللي بعد كده عندنا اللي هي دي. عايزين نشوف اتحركنا قدّ إيه في اتجاه محور السينات عشان نقدر نرسمها، وقدّ إيه في اتجاه محور الصادات. هنلاقي إننا اتحرّكنا وحدتين في اتجاه محور السينات، وأربع وحدات في اتجاه محور الصادات. يبقى إحداثيات النقطة دي نقدر نعبّر عنها بالزوج المرتّب اتنين وأربعة.

آخر نقطة عندنا على الشبكة اللي قدامنا النقطة دي. عايزين نشوف إحداثيات. إحداثياتها هتبقى عبارة عن … اتحركنا كام وحدة في اتجاه محور السينات عشان نقدر نرسمها، هنلاقي إننا اتحركنا أربع وحدات في اتجاه محور السينات. وبعدين اتحركنا أربعة وحدات أخرى في اتجاه محور الصادات. وبالتالي فنقدر نكتبها على شكل الزوج المرتب أربعة وأربعة.

يبقى كده لو بصّينا عَ الاختيارات المتاحة عندنا، هنلاقي إن الاختيار الزوج المرتب أربعة وصفر، هو ده الاختيار الوحيد اللي لم يتم تمثيله على الشبكة الموضَّحة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.