فيديو: استخدام خواص الأشكال الثنائية الأبعاد لحل مسألة

ما الشكل المُسطح؟ [أ] شكل أ [ب] شكل ب

٠١:٣٣

‏نسخة الفيديو النصية

ما الشكل المسطح؛ شكل أ، ولّا شكل ب؟

عاوزين نعرف أيّ شكل في الشكلين اللي قدامنا دول، هو اللي مسطح. طيب هو يعني إيه شكل مسطح؟ شكل مسطح يعني شكل ثُنائي الأبعاد. زيّ مثلًا: المربع، والمستطيل، والدائرة، والمثلث، والشكل الخماسي، وأشكال غيرهم كتير. ده بالنسبة للشكل المسطح، اللي هو ثُنائي الأبعاد، أو له بُعدين.

طيب والشكل المجسم؟ الشكل المجسم هو اللي بيكون له تلات أبعاد. زيّ إيه؟ زي الكرة، والمكعب، والمخروط، والأسطوانة، وأشكال غيرها كتير. طيب دلوقتي بقى السؤال بتاعنا بيقول لنا، إيه الشكل المسطح؛ الشكل ده، ولّا الشكل ده؟

الشكل الأول ده مخروط. والشكل التاني ده مثلث. مين فيهم مسطح؟ ومين فيهم مجسم؟ ومين المسطح عشان نختاره؟ عندنا المخروط أهو شكل مجسم، مش مسطح. ولكن المثلث أهو شكل مسطح. يبقى ده معناه إن الشكل المسطح هو المثلث. وهي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.