فيديو: تحديد الكسور كجزء من الوحدة وصيغتها اللفظية باستخدام النماذج البصرية للكسور

ما الكسر الذي يمثِّله الجزء المظلَّل؟

٠١:٣٠

‏نسخة الفيديو النصية

ما الكسر الذي يمثّله الجزء المظلل؟

عندنا الشكل اللي قدامنا ده فيه جزء مظلل، عاوزين نعرف إيه الكسر اللي بيمثله. طيب علشان نعمل كسر، محتاجين يبقى عندنا شرطة كسر، وعدد بنكتبه فوق، وعدد بنكتبه تحت. عملنا شرطة الكسر، نيجي بقى عشان نكمّل الكسر، نشوف إيه العدد اللي هنكتبه تحت. العدد اللي هنكتبه تحت هو عدد الأجزاء كلها. تعالوا كده نعدّ الشكل اللي قدامنا مكوّن من كام جزء: واحد، اتنين، تلاتة، أربعة، خمسة، ستة، سبعة، تمنية، تسعة، عشرة؛ يبقى عدد الأجزاء كلها عشر أجزاء، فنكتب تحت الكسر هنا عشرة.

ونيجي نبصّ بقى على العدد اللي هنكتبه فوق الكسر، هيكون إيه؟ هيكون عدد الأجزاء المظللة. طيب في الشكل اللي قدامنا فيه كام جزء مظلل؟ هو جزء واحد بس، اللي هو الجزء الأخضر المظلل قدامنا ده؛ يبقى معنى كده إن إحنا نكتب فوق شرطة الكسر واحد، وده بيدل على إن فيه جزء واحد بس هو اللي مظلل. عرفتم إيه الكسر اللي بيمثّله الجزء المظلل؟ هو واحد على عشرة. طب واحد على عشرة ده ممكن نقراه إيه؟ ممكن نقراه عُشر، وتتكتب كده: عـ ـشـ ـر؛ يبقى الإجابة هي واحد على عشرة أو عُشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.